Lewitiki 4:7 - MUKANDA WA MYIDI MUKULU

⁷ Alabe kabidi mashi awu ku matumba adi matalame ku tshilambuilu tshia kuoshila manananshi, tshidi muaba wa tshijila. Pashishe mashi onsu adi ashala, mutuangaji ayitshikije kuinshi kua tshilambuilu tshia milambu ya kuosha tshidi ku mushiku wa mbelu wa ntenta.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Muakuidi nealabe mashi ku nsengu ya ku tshioshelu tshia musenga wa manananshi tshidi mu ntenta wa kusangakena ku mesu kua Yehowa, neahongolole mashi onso a muana wa ngombe ku tshitaka tshia tshioshelu tshia kahia tshidi ku mbelu kua ntenta wa kusangakena.

Lewitiki 4:7 Referans Kwoze

Lewitiki 8:15

Moshe kukosa ngombe awu muminu, kutua munu mu mashi, kualaba ku matumba matalame avua ku tshilambuilu bua kumbusha mikiya. Pashishe kuitshikijaye mashi avua mashale kuinshi kua tshilambuilu. Ke muvua Moshe mujidile tshilambuilu bua tshikale muaba wa kulambuila milambu ya kukobolola nayi bantu.

Lewitiki 9:9

Nanku, bana bende ba balume kumuambuilabu mashi. Arone kutua munu wende mu mashi awu, kualaba ku matumba matalame avua ku tshilambuilu. Pashishe kuitshikijaye mashi avua mashale kuinshi kua tshilambuilu.

Lewitiki 16:18

neapatuke mu ntenta, asemena ku tshilambuilu tshidi kumpala kua ntenta. Neenze bionsu bidi bikengela bua kujikija mikiya idi ku tshilambuilu. Pashishe neangate mashi makese a ngombe mulume ne a mbuji wa mpumbu, aamiamine ku matumba adi matalame adi ku tshilambuilu.

Lewitiki 5:9

Itshikije mashi makese ku nseke ya tshilambuilu. Mashi onsu adi mashale, ayitshikije kuinshi kua tshilambuilu. Mulambu ewu mbua kukobolola muntu awu.

Lewitiki 4:34

Mutuangaji atue munu mu mashi awu, aalabe ku matumba matalame adi ku tshilambuilu tshia milambu ya kuosha. Pashishe mashi onsu adi mashale, mutuangaji ayitshikije kuinshi kua tshilambuilu atshi.

Lewitiki 4:18

Alabe kabidi mashi awu ku matumba adi matalame ku tshilambuilu tshia kuoshila manananshi tshidi muaba wa tshijila. Pashishe mashi onsu adi mashale, mutuangaji ayitshikije kuinshi kua tshilambuilu tshia milambu ya kuosha, tshidi ku mushiku wa mbelu wa ntenta.

Lewitiki 4:30

Mutuangaji atue munu mu mashi a mbuji awu, aalabe ku matumba matalame adi ku tshilambuilu tshia milambu ya kuosha. Pashishe mashi adi mashale, mutuangaji ayitshikije kuinshi kua tshilambuilu atshi.

Ebrewu 9:21

Pashishe Moshe kumiamina kabidi mashi ku ntenta ne ku bintu bionsu bivuabu benze nabi mudimu wa kutendelela.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

Efeze 2:13

Kadi nuenu bavua kule, mpindiewu nudi badisange nende. Nanku nudi basemene pabuipi ne Mvidi Mukulu ku lufu lua Kristu.

Misambu 118:27

— Maweja-Nangila udi Mvidi Mukulu nkayende. Atutokeshe ne butoke buende! — Elayi tshijengu too ne ku tshilambuilu.

Didimanyisha 6:9

Pashishe Muana wa mukoku kulamuna tshitampi tshitanu. Ke meme kumona muinshi mua tshilambuilu mioyi ya bantu bavuabu bashipe, bualu bavua balongesha muaku wa Mvidi Mukulu, baujadika muabu muonsu.

Lewitiki 4:25

Mutuangaji atue munu mu mashi awu, aalabe ku matumba matalame adi ku tshilambuilu tshia milambu ya kuosha. Pashishe mashi adi mashale, ayitshikije kuinshi kua tshilambuilu atshi.

Ekesode 29:12

Utue munu mu mashi a ngombe awu, ulabe mu matumba onsu a tshilambuilu. Mashi adi ashala, witshikije panshi kuinshi kua tshilambuilu.

Lewitiki 1:5

Akose ngombe awu muminu kumpala kua ntenta. Batuangaji, bana ba Arone, baye ne mashi a ngombe awu kudi Maweja-Nangila. Baamiamine ku nseke yonsu ya tshilambuilu tshidi ku mushiku wa mbelu wa ntenta.