Lewitiki 4:3 - MUKANDA WA MYIDI MUKULU

³ “Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Mukanda wa Nzambi Dihungila Dikulukulu ne Dihungila Dihia-dihia 2003

³ bienza muakuidi muela manyi ha mutu bualu bubi budi buhisha bantu, yeye nealele mulambu wa muana wa ngombe udi kayi ne tshitema kudi Yehowa, bu mulambu wa kubuikidila nʼau bubi buandi.

Lewitiki 4:3 Referans Kwoze

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Lewitiki 4:14

Diakamue padibu bamanye bualu bubi buvuabu benza abu, badi ne bua kudikobolola, balambula Maweja-Nangila ngombe mulume, bua Maweja-Nangila abafuile luse. Badi baya nende kumpala kua ntenta wa kusambakena.

Ebrewu 5:3

Bu mudiye mene muena butekete, udi ne bua kulambula milambu, ya kayiyi amu bua kujimija mibi ya bantu bakuabu, kadi kabidi ne bua kujimija yende mene.

Ezela 8:35

Bonsu, bavuabu baye nabu mu bupika, bamane kupingana, bavua balambula Mvidi Mukulu wa Izrayele milambu ya kuosha mu dina dia bena Izrayele bonsu: nyama ya ngombe milume dikumi ne ibidi, mbuji ya mikoku ya bimpanga makumi tshitema ne isambombu, ne bana ba mikoku makumi muanda mutekete ne muanda mutekete. Bavua balambula kabidi mbuji ya mpumbu dikumi ne ibidi bu mulambu wa kukobolola nawu bantu. Bavua boshila Maweja-Nangila nyama yonsu ayi.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Yezekiyele 43:19

Neufile kudi batuangaji ba bena Levi ba ku ndelanganyi ya Sadoke ngombe mulume. Anu bobu, ke bamvua muitabe bua bangenzele mudimu, meme Maweja-Nangila Mvidi Mukulu. Neboshe mulume a ngombe awu bua meme kubajimijila mibi yabu.

Ekesode 29:21

Pashishe, wangate mashi makese adi pa tshilambuilu, ne mafuta a tshijila, umiamine Arone ne ku bilamba biende. Umiamine kabidi ne bana bende ba balume ne ku bilamba biabu bionsu, nebikale bia tshijila.

Ekesode 29:14

Ewu ke mulambu wa kukobolola nawu batuangaji. Kadi, tshiseba tshia ngombe awu, munyinyi ne mala bidi bishale, uye kubiosha anu mutantshi mule ne mitanda.

Ekesode 29:7

Umuele mafuta a tshijila pa mutu bua kumujidila.

Dibadika 8:8

Pashishe bena Levi nebafile ngombe mulume pamue ne mulambu wa bukula, busambakaja ne mafuta. Kadi wewe newangate ngombe mulume mukuabu bua mulambu wa kubakobolola nawu.

Lewitiki 16:11

“Arone neafike ne ngombe mulume udiye udikobolola nende. Neenze bionsu bidi bikengela bua kudikobolola, kukobolola ne bena diku diende. Pashishe neakose ngombe awu muminu.

Lewitiki 16:6

“Arone nealambule ngombe mulume bua kudikobolola, pashishe neakobolole kabidi bena diku diende.

Lewitiki 8:12

Kuelaye Arone mafuta a tshijila mu mutu bua kumujidila.

Lewitiki 5:6

Kadi bua Mvidi Mukulu kumufuila luse ku bubi buvuaye muenze, udi ne bua kulambula Maweja-Nangila dishina dia mukoku nansha dishina dia mbuji. Bidi mulambu wa kudikobolola. Ke mudi mutuangaji mua kukobolola muena tshibawu amu mushindu ewu.

Ekesode 30:10

Ku tshidimu tshionsu, Arone ikale utshikobolola, umiamine mashi a nyama ku nsengu inayi idi ku tshilambuilu, bua kukobolola bantu. Mukenji ewu, bikale bawenzulula ku tshidimu tshionsu kudi ndelanganyi yenu yonsu. Tshilambuilu etshi netshikale tshijidila, tshikale muaba wa tshijila menemene.”

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Lewitiki 4:5

Angata mashi makese a ngombe awu, abuele nawu mu ntenta.

Lewitiki 4:23

Padiye umanya bualu bubi buvuaye muenze abu, adikobolole, alambule Maweja-Nangila mbuji wa mpumbu udi kayi bulema.

Lewitiki 4:28

Padiye umanya bualu bubi buvuaye muenze, udi ne bua kudikobolola. Alambule Maweja-Nangila mbuji wa dishina, kayi ne bulema.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

2 Kulondolola 29:21

Kuangatabu ngombe milume muanda mutekete, mikoku ya bimpanga muanda mutekete, bana ba mikoku muanda mutekete, ne mbuji ya mpumbu muanda mutekete ya kulambula bu mulambu wa kukobolola nawu bantu. Milambu ayi bavua bayilambula: bua kulombela bena diku dia bukalenga ne bena Yuda bonsu luse, ne bua kujidila nzubu wa Mvidi Mukulu. Mukalenga Izkiya kuambila batuangaji ba ndelanganyi ya Arone, bua balambule milambu ayi pa tshilambuilu tshia Maweja-Nangila.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 6:18

bua amanyishe Arone ne bana bende ba balume ne: “Mikenji idi itangila mulambu wa dikobolola dia bantu, idi nunku: “Bakosele tshimuna atshi muminu kumpala kua Maweja-Nangila, anu muaba udibu bashipela nyama ya milambu ya kuosha. Bualu mulambu ewu ngwa tshijila menemene.

Lewitiki 9:3

Pashishe wambile bena Izrayele, bafile pabu mbuji wa mpumbu kudi Maweja-Nangila bu mulambu wa kukobolola nawu bantu. Bafile kabidi muana wa ngombe mulume, kabidi ne muana wa mukoku wa tshidimu tshimue, kayi ne bulema, bua kubilambula Maweja-Nangila bu mulambu wa kuosha.

Lewitiki 16:3

“Nenku bua kubuelaye muaba awu, ikale ne ngombe mulume bua mulambu wa kudikobolola nawu kudi Mvidi Mukulu, kabidi ne mukoku wa tshimpanga bua mulambu wa kuosha.

Lewitiki 16:5

Bena Izrayele nebamupe mbuji ibidi ya mpumbu ya mulambu wa kukobolola nawu bantu, ne mukoku wa tshimpanga umue bua mulambu wa kuosha.

Yezekiyele 40:39

Ku tshimana tshia ku ndekelu kua tshibambalu tshinene, nseke yonsu ibidi, kuvua mesa abidi. Pa mesa apa bavua bakoselapu mitu ya nyama ivuabu balambula Maweja-Nangila bu milambu ya kuosha, nansha bu milambu mikuabu ya kudikobolola.

Yezekiyele 44:27

Dituku didiye upingana mu lubanza lua munda mu nzubu wanyi, udi ulambula mulambu wa kudikobolola nawu. Ke meme Maweja-Nangila Mvidi Mukulu udi utuma diyi edi.