Lewitiki 3:6 - MUKANDA WA MYIDI MUKULU

⁶ “Kadi padi muena Izrayele ulambula Maweja-Nangila mbuji nansha mukoku bu mulambu wa bobumue, tshimuna atshi tshikale tshilume nansha tshikaji, katshiyi bulema.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bikala mulambu wa mundi wa kumuvuisha nʼau ditalala wa munkatshi mua mikoko wa kudia kudi Yehowa, neafue mulume nansha mukashi udi kayi ne tshilema.

Lewitiki 3:6 Referans Kwoze

Efeze 1:10

Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 1:2

amanyishe bena Izrayele ne: “Padi muena Izrayele ulambula Maweja-Nangila mulambu wa nyama, asungule ngombe, mukoku nansha mbuji.

Lewitiki 22:20

Kadi panudi nundambula tshimuna ne bulema pambidi, tshiena ngitaba mulambu wenu awu to.

Dibadika 15:5

Kadi ku muana wa mukoku yonsu, wa mulambu wa kuosha nansha wa bobumue, asakidile kabidi litre umue ne tshitupa wa maluvu a mvinyo.

Lewitiki 19:5

“Panudi nundambula mulambu wa bobumue, nulonde mudi mikenji yawu bua meme kuwanyisha.

Lewitiki 23:19

“Nenundambule kabidi mbuji wa mpumbu wa kudikobolola nende. Kadi bua mulambu wa bobumue, nenundambule bana ba mikoku babidi, bakadi ne tshidimu tshijima.

Dibadika 6:14

Afile bimuna bisatu, kabiyi ne tshilema pambidi, bua kubilambula Maweja-Nangila: muana wa mukoku wa tshidimu tshimue bua mulambu wa kuosha, lukungulu lua mukoku lua tshidimu tshimue bua mulambu wa kudikobolola nawu, ne mukoku wa tshimpanga wa mulambu wa bobumue.