Lewitiki 26:9 - MUKANDA WA MYIDI MUKULU

⁹ Nennutabalele bua nutante, nulele bana ba bungi. Nendame ndondu ituvua batua nenu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nengikale nʼenu luse, nennuleleshe bana ba bungi, nennuvudishangane, nenjadike tshihungidi tshianyi munkatshi muenu.

Lewitiki 26:9 Referans Kwoze

Misambu 107:38

Maweja-Nangila udi ubela lupemba, udi ubavudija ba bungi, kena ukepesha bimuna biabu nansha.

Yezekiyele 16:62

Nentue tshiakabidi nebe ndondu. Neujadike ne: meme ndi Maweja-Nangila.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Dielulula 28:11

Panuafika mu ditunga divua Maweja-Nangila mulaye bankambua benu bua kunupesha, nenulele bana ba bungi. Bimuna bienu nebivulangane. Kabidi nenuikale ne biakudia bipite bungi.

Luke 1:72

Uvua mulaye bua kuenzela bankambua betu bimpe. Kavua mupue muoyi ndondu wa tshijila uvuaye mutue nabu.

Misambu 89:3

Ndi ngamba ne: Malu ebe mempe mmashindame kashidi, bulelela buebe mbujalame mu diulu.

Dielulula 28:4

Maweja-Nangila neanupe bana ba bungi, biakudia bipite bungi pa madimi enu; neavudije ngombe yenu, mikoku ne mbuji.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Ekesode 2:25

Kumonaye bena Izrayele, kujadikaye dikenga divuabu nadi.

Ekesode 1:7

Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 17:20

Kadi ndi ngitaba biudi ulomba bua Ismayele. Ndi mmuela lupemba, neatante, avulangane, nealele bakalenga dikumi ne babidi, neikale nkambua wa tshisamba tshinene.

Genese 6:18

Kadi nentue nebe ndondu. Mu buatu amu, ubuele ne mukajebe, bana bebe ba balume ne bakaji babu.

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.

Nehemya 2:20

Meme kubandamuna ne: — Anu Mvidi Mukulu wamu diulu nkayende neatuambuluishe bua tuetu kutshimuna. Tuetu, bena mudimu bende, netuenze mudimu wa kuibakulula tshimenga. Kadi nuenu kanuena ne bualu muaba ewu to. Kanuena mua kupiana bintu mu Yerushalayime, kanuena mua kudiamu bumfumu, kanuena mua kutendamu bibidilu bia bankambua betu.

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

Genese 1:28

Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 48:4

Uvua mundaye ne: “Neulele bana ba bungi. Ndelanganyi yebe neivulangane, yenza bisamba bivule. Ditunga edi nedishale dienu kashidi.”

Lewitiki 26:15

panudi nubenga kunemeka ndondu wanyi, nubenga mikenji yanyi ne meyi andi munutumine,

Dielulula 7:13

Nanku panuafika mu ditunga didi Maweja-Nangila munupe, divuaye mulaye bankambua benu, bu mudiye mununange, Yeye neanusankishe. Nenulele bana ba bungi. Nenuikale ne bintu bipite bungi: ntete ya kuenza bukula, mvinyo, mafuta, ngombe, mikoku ne mbuji.

Yezekiyele 36:9

Eyowa, nennuambuluishe, nengenze bua buloba buenu babusekunune, bamiaminamu ntete.

1 Bakalenga 3:8

Mpindiewu nkaadi mulombodi wa bena Izrayele bauvua musungule. Bena Izrayele mbapite bungi, kabayi mua kubala to.

Yirmeya 23:3

“Meme nkayanyi nensangishe mikoku idi mishale ne muoyi mu matunga amvua muyitangalaje. Nenyipingaje mu mpata yayi bua imone mua kudia kudiunda, kuvulangana.

Yirmeya 23:4

Nenteke balami ba bushiwa badi bamanya mua kulama mikoku bimpe. Nanku, mikoku kayena mua kutshina kabidi to, kayena mua kuzakala. Nansha umue wa ku yoyi kawena mua kujimina. Ke mundi ngamba meme Maweja-Nangila.