Lewitiki 26:5 - MUKANDA WA MYIDI MUKULU

⁵ Nanku dishipula dia ntete mu ditunga dienu, neditungunuke too ne ku matuku a dinowa dia tumuma tua mvinyo. Dinowa dia tumuma tua mvinyo neditungunuke too ne ku matuku a dikuna . Nenuikale ne biakudia bia bungi. Kabidi nenusombe ku matshi talala.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Tshikondo tshidibo bashehula bintu netshikale tô ne ku tshikondo tshidibo bahuola mamuma a mitshi, ne tshikondo tshidibo bahuola mamuma netshikale tô ne ku tshikondo tshidibo bakuna bintu, nenukute mafu tente ne bia kudia, nenushikame mu buloba buenu talala.

Lewitiki 26:5 Referans Kwoze

Amosa 9:13

Maweja-Nangila udi wamba kabidi ne: “Matuku adi kumpala, ntete neimene, ibobe lukasa, babidime ne banowi balondangane lukasa. Amu bamane kumiamina ntete, nebapole tumuma tua mvinyo, bua kukama maluvu, Diba adi maluvu neavulangane, apueka mu bibandabanda, abolesha mikuna yonsu.

Yowele 2:26

Nenudie, nenukute. Nenuntumbishe meme Maweja-Nangila Mvidi Mukulu wenu, udi unuenzela malu a kukema. Tshiena mua kufuisha bantu banyi bundu kabidi musangu nansha umue.

Yowele 2:19

Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.

Nsumuinu 1:33

Kadi muntu udi unteleja udi ushala mu bupole. Neasombe talalaa kayi utshina dikenga to.”

Dielulula 11:15

Maweja-Nangila neameneshe kabidi bisosa bia nuenu kudisha bimuna bienu. Nanku nenudie nukute.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

Bienzedi 14:17

Kadi uvua udimanyisha matuku onsu mu malu mimpe avuaye wenza: udi unulokeshila mvula, ubobesha bikunyibua mu tshikondu tshiabi, unupa biakudia, usankisha mioyi yenu.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Misambu 90:1

Moshe, muntu uvua Mvidi Mukulu mutume, udi utendelela Mvidi Mukulu. Maweja-Nangila, mu bikondu bionsu, wewe ke uvua tshisokomenu tshietu.

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Osheya 2:18

Maweja-Nangila udi wamba ne: Dituku adi neambikile ne: “Bayanyi.” Kakumbikila kabidi ne: “Baale wanyi”, mmumue ne: “Mfumuanyi”.

Misambu 144:13

Mayeba etu uwule ne bintu bia mishindu yonsu! Mikoku yetu mu mpata, ivulangane misangu tshinunu, nansha misangu binunu dikumi!

Yeshaya 1:19

Eyowa, panuikala bakumbaje mikenji yanyi, panuikala banteleje, nenudie bintu bimpe bia mu ditunga dienu.

Yeshaya 30:23

Maweja-Nangila neanulokeshile, mvula bua maminu, anudi bakuna mu buloba, atoloke bimpe. Nenku nenunowe pa madimi enu ntete mivule, kabidi mimpe. Dituku adi, bimuna bienu nebikale ne biakudia bivule mu mpata mialabale.

Osheya 2:20

Dituku adi mu dina dia bena Izrayele, nentue ndondu ne nyama, nyunyi ne bilandadi. Mu ditunga adi, nengumushe bia mvita bionsu: buta bua mbale, miele, ne bia mvita bikuabu. Nengambuluishe bantu banyi, bua bapete dikisha, balale tulu bimpe mu nzubu.

Yowele 2:22

Nuenu, nyama ya mu tshisuku, kanutshinyi kabidi, bualu bisosa bia mu mpata mbisampile, mitshi mmikuame bimuma, mitshi ya mfiku ne mionji ya mvinyo mmikuame bipite bungi.