Lewitiki 26:44 - MUKANDA WA MYIDI MUKULU

⁴⁴ Kadi matuku adibu mu tshimuangi awu, tshiena mbalekela amu kashidi to, tshiena mbabutula. Kabidi, tshiena nnyangakaja ndondu wanyi to, bualu meme ndi Maweja-Nangila, Mvidi MuKulu wabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Kadi bua malu au onso hayabo mu buloba bua bantu badi nʼabo lukuna, meme tshiena mbahidia, tshiena ngikala nʼabo tshiji bua kubashiha tshiendelele ne bua kushiha tshihungidi tshianyi tshinakahunga nʼabo, bualu bua meme ndi Yehowa, Nzambi wabo,

Lewitiki 26:44 Referans Kwoze

Rome 11:2

Mvidi Mukulu kena mubenge bantu bende, bavuaye mudianze kudisunguila. Nudi bamanye bidibu bafunde mu Mukanda wa tshijila. Pavua Eliya ufunda bena Izrayele ku tshilumbu kudi Mvidi Mukulu,

Nehemya 9:31

Kadi bu mudi dinanga diebe kadiyi ndekelu, wewe kuena mubabutule to. Kuena mubalekele, bualu udi Mvidi Mukulu wa luse ne dinanga.

Misambu 94:14

Maweja-Nangila kena ubenga bantu bende, kena ulekela bumpianyi buende.

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

Rome 11:26

Ke muasungidilabu bena Izrayele bonsu. Bualu Mukanda wa tshijila udi wamba ne: “Mupikudi neafume mu Siyone. Neumushe buntomboji kudi ndelanganyi ya Yakobe.

Yezekiyele 16:60

Kadi, meme nennemeke ndondu umvua mutue nebe ku buana buebe. Nengenze bua ndondu wetu nebe ashale kashidi.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Yirmeya 30:11

Ndi mufike bua kunusungidila. Meme Maweja-Nangila ndi ngamba nanku. Ndi musue kubutula matunga onsu, miaba yonsu imvua munutangalaje. Kadi tshiena imubutula nuenu to. Bushuwa, ndi amu ne bua kununyoka. Tshiena mua kunutangila bu bantu badi kabayi ne bualu.

Yirmeya 14:21

Kadi, vulukabiuvua mutulaye. Bua lumu lua dina diebe, kupepeji Yerushalayime, tshimenga tshidi ne nkuasa webe wa butumbi.

Misambu 89:33

diba adi nengangate mukombu, bua kunyoka bupidia buabu, nembakume mitshi bua kunyoka tshilema tshiabu.

Lewitiki 26:11

Nzubu wanyi wa tshijila neikale munkatshi muenu. Tshiena mua kunubenga to.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Misambu 103:13

Maweja-Nangila udi unanga bantu bende badi bamunemeka, bu mudi tatu unanga bana bende.

Yirmeya 24:5

— Meme Maweja-Nangila Mvidi Mukulu wa Izrayele, ndi bu bantu badi ne disanka dinene padibu batangila bimuma bimpe. Ke mundi ntangila ne disanka bena Yuda badi mu bupika, bamvua mumushe apa bua baye nabu mu Babilone.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.