Lewitiki 26:43 - MUKANDA WA MYIDI MUKULU

⁴³ Kadi bena Izrayele bamane kumuangala mu ditunga, miaba ivuabu badime ayi neyipete dikisha. Mu tshikondu tshidi maloba awu mu dikisha, bena Izrayele nebapete dinyoka, bualu mbabenge meyi anyi ne mikenji yanyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Buloba buakashiyabo nebuikale ne bidimu bia kubanda, nebuikale hatuhu; bobo nebitabushe dikenga dia mibi yabo bualu bua bobo bakahidia mei anyi, ne mitshima yabo yakalengulula mikenji yanyi.

Lewitiki 26:43 Referans Kwoze

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.

Lewitiki 26:15

panudi nubenga kunemeka ndondu wanyi, nubenga mikenji yanyi ne meyi andi munutumine,

Yowanane 7:7

Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Danyele 9:14

Ke paudi mututumine amu makenga aa. Bualu wewe Maweja-Nangila, Mvidi Mukulu wetu, udi ne diyi dimue mu malu onsu audi wenza. Kadi tuetu katuvua batumikile meyi ebe!

Yirmeya 31:19

Eyowa, tuvua bakubenge, kadi mpindiewu tudi tunyingalala, bua bubi butuvua benza. Udi mutuleje mutuvua benza bibi. Nanku mpindiewu tudi tudituuta bianza pa tshiadi tudila. Tudi ne bundu, tudi ne kanyinganyinga, bua tshionsu tshituvua benze patutshivua bansonga.”

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Misambu 119:75

Maweja-Nangila, ndi mumanye ne: mapangadika ebe adi makane, avua mamfuishe bundu pa bualu.

Misambu 119:71

Bidi bimpe bantu bamfuishe bundu, bua mmanye tshiudi musue.

Misambu 119:67

Mvua mupambuke kabayi banji kumfuisha bundu, mpindiewu ndi ngenza tshiudi muambe.

Misambu 50:17

Kuena muanyishe mibelu yanyi. Udi ubenga bindi ngamba.

Misambu 50:15

Pakukuata dikenga, umbikile nenkusungidile. Nenku neuntumbishe!

Yobe 5:17

Nanku, dikenga didi kudi muntu udi Mvidi Mukulu unyoka! Kadi wewe Yobe, kupepeji mibelu idi Mvidi Mukulu wa bukole buonsu ukubela nayi to.

2 Kulondolola 33:12

Pavua Menashe mu dikenga dinene, kutendelelaye Maweja-Nangila Mvidi Mukulu wende. Kutondaye bubi buende kumpala kua Mvidi Mukulu wa bankambua bende.

Lewitiki 26:41

Nebajadike ne: meme ke uvua mubanyoke, mubafile kudi baluishi babu. Nanku nebatonde bubi buabu, nebitabe manyoka onsu andi mubatumine.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

Lewitiki 26:11

Nzubu wanyi wa tshijila neikale munkatshi muenu. Tshiena mua kunubenga to.

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”