Lewitiki 26:16 - MUKANDA WA MYIDI MUKULU

¹⁶ nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ meme kabidi nennuenzele nunku nengenze malu adi anutshinyisha, nennutumine masama adi anyanyisha mibidi yenu ne disama dia mubidi kahia, masama au neashihe mesu enu, neanyanyishe mitshima yenu, nenukune bintu bienu tshianana, bualu bua bantu badi nʼenu lukuna nebabidie.

Lewitiki 26:16 Referans Kwoze

Yobe 31:8

nanku muntu mukuabu adie bindi mumiamine. Biakudia bitshidi pa madimi babibutule.

1 Samuele 2:33

Kadi meme mushiye muntu umue wa ku ndelanganyi yebe bua asombe ku mpenga kua tshilambuilu tshianyi, neakukengeshe, akubungamije. Kadi bantu bakuabu bonsu ba mu diku diebe nebafue, kabayi banji kukulakaja.

Mika 6:15

Nenukune maminu, kanuyi nunowa. Nenukame bimuma bia olive, kanuyi mua kudilaba mafuta pambidi. Nenukame bimuma bia mvinyo, kadi kanuakunua maluvu.

Yezekiyele 33:10

— Yezekiyele, mpindiewu wambila bena Izrayele ne: “Nudi nudila, nuamba ne: bubi buetu ne ngenzelu yetu mibi mbipite bungi, mbifuane kutubutuisha. Nudi nudikonka ne: mutudi mua kushala ne muoyi mbishi?

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Misambu 78:33

Nenku kubajimijaye diakamue, kubashipa bonsu musangu umue.

Dielulula 28:51

Nebanyenge bimuna bionsu, ne biakudia bionsu binuvua banowe: ntete ya kuenza bukula, maluvu a mvinyo, mafuta, too ne bana ba ngombe, ba mikoku ne ba mbuji. Nenufue, nubutuke bonsu ne nzala.

Ebrewu 10:31

Kupona mu bianza bia Mvidi Mukulu wa muoyi, mbualu budi bukuatshisha bowa!

Zekâya 14:12

Kadi bantu bonsu bavua baye kuluisha Yerushalayime, bipupu biabatumina Maweja-Nangila bidi nenku: minyinyi yabu yapambidi neyibole, bobu batshikale ne muoyi; mesu abu neabolele mu bindokundoku biawu, ludimi luabu nelubolele mukana muabu.

Agayi 1:6

Nuenu kukuna bintu bia bungi, kunowa bikese. Nudi nudia, kadi kanuena mua kuukuta. Nudi nunua maluvu, kadi nyota yenu kayena ijika. Nudi nuvuala bilamba, kadi numvua anu mashika. Muena mudimu udi upeta difutu, kadi didi dijika lukasa, bu mudi bintu bimata mu tshibombi tshitubuke!

Yirmeya 20:4

Bualu Maweja-Nangila udi wamba ne: “Wewe ne balunda bebe bonsu nenuikale tshintu tshidi tshikuatshisha bantu bowa. Balunda bebe nebafue ku muele wa mvita wa baluishi babu, wewe muikalepu. Bena Yuda, nembafile bonsu kudi mukalenga wa Babilone. Yeye neabakuate. Neaye nabu mu bupika mu ditunga diende, nansha neabashipe.

Yirmeya 15:8

Mu ditunga amu, bakaji bakamba bavua bashale bapite lusenga lua ku muelelu wa mayi manene ku bungi. Meme kunyingalala munda munya, mamuende wa nsongalume, uvua tshilobu tshia mvita. Diakamue meme kukuatshisha mamuende bowa ne kanyinganyinga.

Yirmeya 12:13

Nuenu kumiamina ntete ya kuenza bukula, kadi nudi nunowa amu meba ne mingonga. Nuvua batate bikole, kadi kanuakupeta nansha kantu. Nudi nufua bundu, nuzakala! Binuvua mua kunowa bidi binyanguke, bua tshiji tshikole tshimvua natshi.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 7:2

Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Misambu 109:6

Badi bangamba ne: “Bamupishe, muntu imane ku tshianza tshiende tshia balume, bua amusonguele!

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Yobe 20:25

Udi utula mukete udi mumupatuke panyima. Udi umupatula lusongu luvua lumubuela too ne ku mutshima. Diakamue bowa bua lulu budi bumukuata.

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

Balombodi 6:11

Mutumibue wa Maweja-Nangila kufika mu musoku wa Ofra. Kusombaye muinshi mua mutshi wa lusanga mu budimi bua Yowashe, muntu wa mu diku dia Abiyezere. Ngideyone, muana wa Yowashe, uvua ushipuila miepu ya ntete mu tshikaminu tshia maluvu a mvinyo, bua bena Madiyane kabamumonu to.

Dielulula 32:25

Nebabashipe ne muele mu misesu. Nebafue ne bowa mu nzubu yabu. Lufu nelubakuate bonsu, bansongalume ne bansongakaji, bakulumpe ne bana.”

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

1 Bakalenga 8:37

“Padi tshiyole tshia nzala tshibuela mu ditunga, nansha tshipupu tshia disama dia tshiambu, nansha padi munanga mumishe ntete ya kuenza bukula, nansha mvula muboleshe bia pa madimi, nansha mpasu ya mukumbi, nansha ya mushindu mukuabu, mibuele mu ditunga mipite bungi, nansha baluishi bakengesha bena Izrayele, nansha mu bimenga biabu bidibu bakolesha ne bimana, padi tshipupu nansha disama dia tshiambu bibuele mu ditunga, nansha biobi bia mushindu kaayi,

Nsumuinu 3:33

Maweja-Nangila udi utshipa nzubu ya benji ba malu mabi; kadi udi wela ya bantu bakane lupemba.

Yeshaya 62:8

Maweja-Nangila mmuditshipe, wamba ne: “Bulelela, bu mundi ne bukole bua kuenza tshindi musue, ndi nditshipa kudi bantu banyi ne: tshiena mua kuitaba bua baluishi bebe kudiabu ntete ya bukula iudi mudime, nansha bua bantu badi bafuma ku matunga a bende kunuabu maluvu mapiamapia, audi mutatshile ne midimu.

Yirmeya 15:3

Maweja-Nangila udi wamba ne: nembakengeshe mishindu inayi: muele wa mvita neubashipe, mbua neyikoke bitalu iye nabi kule, nyunyi ya mikanku neizokole bitalu, nyama ya mibuabua neidie bionsu bidi bishale.

Yezekiyele 24:23

Nenuikale basuike bitambala bienu ku mitu, bavuale bisabata ku makasa enu. Kanuabakanyi, kanudidi muadi. Kadi nenufubidile bua bilema bienu. Muntu yonsu neatue mikemu bualu bua dikenga didi muena mutumba nende nadi.

Malaki 2:3

Nennyoke kabidi ndelanganyi yenu. Nennuele tumvi mu mesu, tumvi tua nyama inudi nuosha mu bibilu bienu. Nebanuimanshe nuenu pamue ne tumvi atu.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.