Lewitiki 21:5 - MUKANDA WA MYIDI MUKULU

⁵ “Padi batuangaji mu madilu, kabena mua kubeya biketu mu nsuki, kabena mua kukungula miedi ku nseke, nansha kuditapisha nsalu pambidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kababeyi muaba wa dibala ha mutu habo, kabahungi miedi yabo, kabatahi nsalu hamʼbidi habo.

Lewitiki 21:5 Referans Kwoze

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Yezekiyele 44:20

“Batuangaji kabena mua kukungula mu mutu mujima to, kadi badi mua kukosa nsuki bua kayipitshi kulepa.

Mika 1:16

Nuenu badi basomba mu Yerushalayime, nubeye nsuki, nukungule mu mutu, mushale dibala, bu dia mukanku. Nudile bana benu banudi bananga: bualu nebaye nabu kule mu bupika.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Yirmeya 48:37

Bantu balume bonsu neakungule nsuki, babeya miedi yabu. Bavua batapa nsalu ku bianza biabu bienza mputa, bavuale bilamba bia lufuila.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Lewitiki 10:6

Moshe kubikila Elazare ne Itamare, bana ba balume ba Arone, pamue ne Arone mene. Kubambilaye ne: — Kanuteki madilu to. Longololayi nsuki yenu bimpe. Kanupandi bilamba bienu, bu bantu badi mu madilu, bualu nudi mua kufua, kabidi Maweja-Nangila udi mua kufikila bantu bonsu munda. Kadi bena Izrayele bakuabu bonsu bateke madilu bua bantu bavua Maweja-Nangila mushidishe ne kapia.

Lewitiki 21:4

Mutuangaji munkathi mua bana babu udi ne bumfumu. Nanku, kena mua kuikala ne mikiya. Bualu yeye ne mikiya, kabena mua kumunemeka to.

Yezekiyele 5:1

Mvidi Mukulu kungambila ne: — Muntu, angata muele mutue, udibeye nawu nsuki ne miedi. Pashishe upime bujitu bua biwikala mudibeye abi. Ubitapulule mu bisumbu bisatu.