Lewitiki 2:12 - MUKANDA WA MYIDI MUKULU

¹² Kadi panudi nulambula Maweja-Nangila bintu bia tshianyi bia mu madimi enu, nudi mua kuelamu buanga bua mampa ne buitshi, kanuyi nubiosha pa tshilambuilu, bu munudi nuenza ne mulambu udi ne dipembu dimpe didi disankisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nudi mua kulua ne bintu bia kumudilu binudi nuhuola kudi Yehowa, kadi bintu ebi kabiena bu bintu bidi bitua dihembu ha tshioshelu.

Lewitiki 2:12 Referans Kwoze

Ekesode 23:19

“Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

2 Kulondolola 31:5

Bena Izrayele bonsu bumvue bualu abu, kufilabu biakudia bia bungi bia tshianyi: ntete ya kuenza bukula, maluvu a mvinyo, mafuta, buitshi ne biakudia bikuabu, kabidi ne tshia dikumi tshia bintu bionsu bivuabu nabi.

Dielulula 26:10

Ke pandi ndambula Maweja-Nangila biakudia bia tshianyi bia mu ditunga didiye mumpe.” Pashishe muntu awu neateke tshisaka tshia biakudia atshi panshi kumpala kua nzubu wa Mvidi Mukulu, adiele panshi bua kukukuila Maweja-Nangila Mvidi Mukulu wenu.

Dibadika 15:20

Nusope tshitapitapi, nuenze mikata, bua kuyindambula bu mudibu bandambula ntete inudi nushipula, panudi bamane kunowa.

Lewitiki 23:10

bua amanyishe bena Izrayele mikenji idi ilonda eyi ne: “Panudi bamane kufika mu ditunga dindi munupe, nuye kudi mutuangaji ne biakudia bia tshianyi bia mu madimi enu binudi nunowa.

Lewitiki 7:13

Pashishe ambule kabidi diampa diela buanga, didibu balambula pamue ne mulambu wa kutumbisha nawu Maweja-Nangila.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Genese 23:17

Anu dituku adi, lubuebue lua Makpela luvua mu budimi bua Efrone, luseke ludi diba dipatukila lua Mambre, kushala mu dina dia Abrahame, kabidi ne mitshi yonsu ivua mikuna mu budimi amu.

1 Korente 15:20

Kadi Kristu mmubike ku lufu bulelela. Ke patudi mua kujadika ne: bafue bakuabu kabidi nebabike ku lufu.

Ekesode 34:22

“Nuenze tshibilu tshia kunowa bintu bia mu madimi, panudi nunowa biakudia bia tshianyi bia mu madimi enu. Nuenze kabidi tshibilu ku ndekelu wa tshidimu, panudi nunowa biakudia bikuabu bia mu madimi enu.

Lewitiki 23:17

Nenuntuadile mampa abidi a ku nzubu yenu bua kundambula. Diampa dionsu nedikale diosha ne bukula bua kilo isatu, buela buanga. Mulambu awu, newikale wa biakudia bia tshianyi bia ntete.

Dibadika 18:12

Ndi nnupesha kabidi biakudia bia tshianyi bia mu madimi, bidi bena Izrayele bandambula: mafuta, maluvu a mvinyo, ne ntete ya kuenza bukula.