Lewitiki 2:11 - MUKANDA WA MYIDI MUKULU

¹¹ “Kadi, kanuena mua kuela buanga bua mampa mu mulambu nansha umue unudi nulambula Maweja-Nangila to. Panudi nulongolola mulambu wa kuoshila Maweja-Nangila, kashidi kenu kanuena mua kuelamu buitshi, nansha buanga bua mampa to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kanulu kudi Yehowa ne mulambu wa bukula budi busangisha ne luevene, kanuoshi luevene anyi buitshi bu mulambu wa kuoshila Yehowa.

Lewitiki 2:11 Referans Kwoze

Ngalate 5:9

Ke padibu bamba ne: “Buanga bua mampa bukese budi butuntumija tshitapitapi tshionsu.”

Luke 12:1

Diba adi bantu bavua bunguile binunu ne binunu, badiatangana pa makasa. Ke Yezu kudianza kuambila balongi bende ne: — Dimukayi bua buanga bua mampa budi Baparushe nabu; momumue ne: bua budingidingi buabu.

Ekesode 23:18

“Kanuena mua kundambula milambu ya mashi a nyama pamue ne mampa adi mela buanga. Kabidi, mu bibilu abi, kanushiyi mafuta a nyama inudi nundambula bua kulalawu ne mu dinda to.

1 Petro 4:2

Nanku bituadije ku mpindiewu, matuku anutshidi mua kusomba panu, kanulondi majinga mabi a buntu buenu. Nukebe amu tshidi Mvidi Mukulu musue.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Marke 8:15

Yezu kubabela ne: — Nuadimuka bikole, nuepuke buanga budi butuntumuna mampa bua Baparushe ne Erode!

Nsumuinu 25:27

Ki mbimpe kudia buitshi kupitshisha, nansha kukeba lumu kuela ne nseka.

Nsumuinu 25:16

Pawikala mupete buitshi, kutambi kubudia. Wewe mupitshishe kubudia, neuvue kubuluka.

Nsumuinu 24:13

Udie buitshi, muananyi, bualu buitshi mbusheme mukana, kabidi budi bukolesha mubidi.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Matayi 16:6

Yezu kubambila ne: — Dimukayi, kanuangatshi buanga bua mampa bua Baparushe ne Basaduke.

Ekesode 34:25

“Kanuena mua kundambula mulambu wa mashi a nyama pamue ne mampa adi mela buanga. Kabidi munyinyi wa nyama wa dituku dia Dipita dia Maweja-Nangila, nuudie ujike dituku adi.

Ekesode 29:25

Pashishe, wangate kabidi bintu abi, ubiteke pa tshilambuilu pa mutu pa mulambu wa kuosha, bua bikale mulambu wa dipembu udi unnunkila meme Maweja-Nangila.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 6:10

Mulambu awu kabena mua kuulamba, kuela buanga bua mampa to. Bualu udi tshitupa tshidi Maweja-Nangila mubapeshe tshia ku bintu bionsu bidibu bamulambula. Tshitupa atshi tshidi tshia tshijila, bu mudi tshitupa tshia ku mulambu wa kudikobolola nawu, nansha wa dinua tshibalu.