Lewitiki 12:8 - MUKANDA WA MYIDI MUKULU

⁸ “Kadi padi mukaji awu kayi mua kupeta muana wa mukoku, udi mua kufila nkudimba ibidi, nansha tumanda-nkutshi tubidi. Nyunyi umue ikale bu mulambu wa kuosha, mukuabu ikale bu mulambu wa kumukobolola nawu. Nanku padi mutuangaji ulambula bintu abi kudi Maweja-Nangila, buvyele bua mukaji buajiki.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bikaleye kayi ne mushinga wa muana wa mukoko, alue biandi ne nyunyu ya nkutshi ibidi anyi mputu nyunyu ibidi, umue bu mulambu wa kuosha ha kahia ne mukuabo bu mulambu wa kubuikila nʼau bubi, muakuidi munene neayifile bua kumubuikidila nʼau bubi, ne yeye neikale mulengeshibue.

Lewitiki 12:8 Referans Kwoze

Lewitiki 5:7

“Padi muntu kampande kayi ne mushindu wa kupeta dishina dia mbuji nansha dia mukoku bu mulambu wa kudikobolola, udi mua kulambula Maweja-Nangila tumandankutshi tubidi nansha nkudimba ibidi. Nyunyi umue ikale mulambu wa kudikobolola nawu. Mukuabu ikale mulambu wa kuosha.

Lewitiki 4:26

Munyinyi wa mafuta onsu udi mushale, mutuangaji awoshe pa tshilambuilu, bu mudibu benza bua mulambu wa bobumue. Nanku mutuangaji akobolole mfumu wa bena Izrayele anu mushindu ewu bua Mvidi Mukulu amufuile luse.

Lewitiki 14:22

Angata kabidi nkudimba ibidi nansha tumanda-nkutshi tubidi. Nyunyi umue ikale bua mulambu wa kudikobolola nawu, mukuabu bua mulambu wa kuosha.

Lewitiki 1:14

“Padi muena Izrayele ulambula Maweja-Nangila nyunyi bu mulambu wa kuosha, asungule kamanda-nkutshi nansha nkudimba.

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Lewitiki 15:29

Kadi dituku dia muanda mukulu, mukaji awu angate nkudimba ibidi nansha tumanda-nkutshi tubidi, abipeshile mutuangaji mu mushiku wa ntenta wa kusambakena.

Lewitiki 15:14

Padi dituku dia muanda mukulu dikumbana, udi wangata nkudimba ibidi, nansha tumanda-nkutshi tubidi, ubipeshila mutuangaji mu mushiku wa ntenta wa kusambakena, kumpala kua Maweja-Nangila.

Matayi 21:12

Yezu kubuela mu nzubu wa Mvidi Mukulu. Kuipataye mu nzubu amu bantu bonsu bavua basumbisha bintu, ne bavua babisumba. Kutonkolaye mesa a bashintudi ba makuta, ne nkuasa ya basumbishi ba nyunyi ya nkudimba.

Lewitiki 12:7

Mutuangaji nealeje Maweja-Nangila milambu eyi, bua kulongolola muvyele awu ne kujikija buvyele buende. Amu kutuadija pa diba adi, mukaji awu kena kabidi ne mikiya ya buvyele to.” Ke munudi mua kuenzela mukaji yonsu padiye ulela muana wa balume, nansha wa bakaji.

Lewitiki 13:1

Maweja-Nangila uvua muambile Moshe ne Arone ne:

Lewitiki 14:21

“Padi disama dia nsudi dikuata mupela, mupange bintu bionsu ebi, alambule anu muana wa mukoku umue bu mulambu wa dinua tshibalu, udibu balambula Maweja-Nangila bua kudikobolola. Alambule kabidi kilo isatu ya bukula busambakaja ne mafuta, kabidi ne mafuta tshitupa tshia litre.

Lewitiki 5:11

“Kadi padi muntu kayi ne mushindu wa kupeta tumandankutshi tubidi nansha nkudimba ibidi, alambule Maweja-Nangila kilo inayi ya bukula. Kadi pa bukula abu, kena mua kuelamu mafuta, nansha kutekapu musenga wa kamonya to. Bualu mmulambu wa kudikobolola nawu.

Lewitiki 15:15

Pashishe mutuangaji udi ulambula nyunyi umue bua mulambu wa kukobolola nawu bantu, ne nyunyi mukuabu bua mulambu wa kuosha. Ke mudi mutuangaji ujikija mikiya ya muntu nanku kumpala kua Maweja-Nangila, bua muntu kashadi ne mikiya ya dipatuka dia tufina.