Lewitiki 10:11 - MUKANDA WA MYIDI MUKULU

¹¹ Kanuena mua kunua kabidi maluvu makole, panudi nulongesha bena Izrayele mikenji eyi idi Maweja-Nangila mubatumine kudi Moshe.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nuenu nuyishe Bena Isalele mikenji yonso yakabamanyisha Yehowa mukana mua Mose.

Lewitiki 10:11 Referans Kwoze

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Nehemya 8:8

Bavua babala bashindumuna mukanda wa mikenji ya Mvidi Mukulu. Bavua bumvuija mikenji, bayijingulula bua muntu yonsu umvue tshiyuabu babale.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Dielulula 24:8

Nudimuke bua disama dia nsudi kadinukuatshi. Nukumbaje bionsu bindi mumane kuambila batuangaji ba bena Levi bua kunumanyisha.

1 Tesalonike 4:2

Bualu nudi bamanye bituvua banulongeshe mu dina dia Mfumu Yezu.

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

2 Kulondolola 30:22

Izkiya kukolesha bena Levi ku muoyi, bualu bavua bakuatshila Maweja-Nangila mudimu muabu muonsu. Lumingu lujima bantu bavua badia pamue biakudia bia tshibilu, balambula milambu ya bobumue, batumbisha Maweja-Nangila, Mvidi Mukulu wa bankambua babu.

2 Kulondolola 17:9

Bavua bambule mukanda udi ne mikenji ya Maweja-Nangila. Kuendakanabu mu tshimenga tshionsu tshia bena Yuda bua kulongesha bantu.

Dielulula 17:10

Nuitabe bionsu bidibu banuambila kudi batuangaji ne balumbuluishi, badi muaba wa tshijila wa Maweja-Nangila, nubikumbaje.

Dielulula 17:11

Kanuenji munudi basue to. Nukumbaje bionsu bidibu banuambila.

2 Kulondolola 15:3

Bena Izrayele bavua basomba matuku a bungi kabayi ne Mvidi Mukulu mulelela, kabayi ne mutuangaji bua kubalongesha, kabayi ne mikenji.