Kolose 4:11 - MUKANDA WA MYIDI MUKULU

¹¹ Yezu, udi dina dikuabu Yustuse, udi kabidi unuela muoyi. Ku bena Yuda amu bantu basatu aba, ke bavua bitabe Kristu. Tudi tukuata nabu mudimu wa kutantshisha Bukalenga bua Mvidi Mukulu. Bavua bakamba bikole be.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne Yesu, udibo babikila ne Yusto, badi ku luseke lua batengula; anu bobo nkayabo badi benzeshanganyi nʼanyi ba mudimu bua bukelenge bua Nzambi, bobo mene bakuikala basambi kundi.

Kolose 4:11 Referans Kwoze

Bienzedi 11:2

Kadi diba divua Petro mupingane mu Yerushalayime, bena ditaba ba mu tshisamba tshia bena Yuda kumujaana,

Filemone 1:1

Meme Polu, udi mubuele mu lukanu bualu mvua mukuatshile Yezu Kristu mudimu, pamue ne muanetu Timote, tudi tunutumina nuenu bonsu mukanda wetu ewu. Wewe Filemone, mulunda wetu, utudi tukuata nende mudimu,

Tite 1:10

Bualu kudi bantu bavule, nangananga munkatshi mua bena Yuda bavua babuele mu Tshisumbu tshia bena ditaba, badi bantomboji, bashima bantu ne biakulakula.

Kolose 4:7

Muanetu munanga Tishike neanuambile malu onsu adi antangila. Ke yeye utudi tuenzela nende Mfumu mudimu, kabidi udi uukuata bimpe.

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Rome 4:12

Udi kabidi tatu wa badibu bateke panshi, kadi badi kabayi batekemena amu ku diteka panshi diabu adi. Badi balonda njila wa ditaba uvua Abrahame mulonde, nansha pavuabu kabayi banji kumuteka panshi.

Bienzedi 10:45

Bena ditaba ba mu tshisamba tshia bena Yuda, bavua bafika ne Petro, kukema bikole pa kumona muvua Mvidi Mukulu mupuekeshile ne bantu ba mu bisamba bikuabu Mueyelu wa Tshijila.

Filemone 1:24

Marke, Aristarke, Demase ne Luke, badi bakuata nanyi mudimu, badi banuela kabidi muoyi.

1 Tesalonike 3:7

Nanku, bana hetu, mu ntatu yonsu, ne mu makenga, bitudi nabi lelu, malu atuvua bumvue bualu buenu adi atukolesha ku muoyi. Ditaba dienu didi ditukankamika.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Efeze 2:11

Kabavua banulele bena Yuda. Bena Yuda bavua banuamba ne: “ki mbabateke panshi.” Kadi bobu mene bavua babateka panshi amu mushindu udi bantu batekangana panshi. Nenku, vulukayi munuvua kale.

Rome 16:3

Elayi Priskila ne Akuila muoyi. Ke bantu batudi tukuatshila nabu Kristu mudimu.