Kolose 3:23 - MUKANDA WA MYIDI MUKULU

²³ Nansha mudimu kaayi unudi nawu, nuwenze ne muoyi mujima, bualu nudi nuwenzela Mfumu, kanuena nuwenzela bantu to.

Mukanda wa Nzambi Dihungila Dikulukulu ne Dihungila Dihia-dihia 2003

²³ Malu onso anudi nuenza, nuenze ne mitshima yenu bu munudi nuenzela Mukelenge; kembu munudi nuenzela bantu;

Kolose 3:23 Referans Kwoze

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Rome 14:8

Nansha tufua, tudi tufua amu bua Mfumu. Nanku nansha tuetu ne muoyi, nansha tufua, tudi ba bende ba Mfumu.

2 Kulondolola 31:21

Pavua Izkiya ulongolola nzubu wa Mvidi Mukulu, ukuata mudimu bua bantu banemeke meyi ne mikenji bia Mvidi Mukulu, uvua wenza muende muonsu bua amanye tshidi Mvidi Mukulu musue. Uvua muenze nanku ne muoyi wende mujima. Mvidi Mukulu uvua umuambuluisha.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

1 Petro 2:15

Bualu Mvidi Mukulu mmusue bua nuenze malu mimpe. Nanku nenupuwishe bantu batatakane badi kabayi bamanye tshintu.

1 Petro 2:13

Mudi Mfumu musue, nuitabe muntu yonsu udi ne bumfumu. Nutumikile mukalenga wa bakalenga udi ku mutu kua bonsu.

Misambu 119:10

Wewe ngundi nkeba bua kuitaba ne muoyi wanji mujima, kundekedi bua nsesuke ku meyi ebe.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

Rome 14:6

Udi mumone ne: dituku kampanda ndinene dipite dikuabu, udi wenza nanku bua kunemeka Mfumu. Udi udia bionsu, udi ubidia bua kunemeka Mfumu, bualu udi wela Mvidi Mukulu tuasakidila padiye udia. Udi kayi udia bionsu, udi wenza nanku bua kunemeka Mfumu. Yeye kabidi udi wela Mvidi Mukulu tuasakidila.

Misambu 119:34

Ungunwuije mikenji yebe, nenyilonde, nenyilame ne muoyi wanyi mujima.

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Misambu 119:145

Maweja-Nangila, ndi nkubila ne muoyi wanyi mujima, ungitabe nendonde njila yebe.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Efeze 5:22

Bakaji, nutumikile babayenu. Ke munudi nuleja munudi nutumikila Mfumu.

Misambu 103:1

Musambu wa mu mukanda wa misambu ya Davide. Ndi musue kuela Maweja-Nangila tuasakidila, ndi musue kuela Mvidi Mukulu tuasakidila ne muoyi wanyi onsu.