Kolose 3:18 - MUKANDA WA MYIDI MUKULU

¹⁸ Nuenu bakaji, tumikilayi babayenu. Ke munudi ne bua kuenza kumpala kua Mfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nuenu bakashi, nukokele babayenu, ke budi buakane mu Mukelenge.

Kolose 3:18 Referans Kwoze

Efeze 5:22

Bakaji, nutumikile babayenu. Ke munudi nuleja munudi nutumikila Mfumu.

1 Korente 11:3

Kadi ndi musue bua nujingulule ne: Kristu udi Mfumu wa muntu mulume yonsu. Mulume yonsu udi musele, udi mfumu wa mukajende. Mvidi Mukulu udi Mfumu wa Kristu.

Genese 3:16

Maweja-Nangila Mvidi Mukulu kuambila mukaji ne: — Pawimita difu nenkuvudijile makenga. Neulele bana anu mu dikenga. Kabidi, newikale utuma mwoyi webe anu kudi bayebe, yeye neikale mfumuebe.

1 Timote 2:12

Tshiena nganyisha bua muntu mukaji alongeshe, nansha atumine mulume diyi. Kadi udi ne bua kupuwa.

Estere 1:20

Padi bantu bamanya mukenji awu mu matunga onsu a mu bukalenga buebe bualabale, mukaji yonsu neatumikile bayende, nansha yeye mupele, nansha yeye mubanji.

1 Korente 14:34

bakaji badi ne bua kupuwa mu Bisangilu bienu. Kabena mua kuakula. Mikenji ya Moshe idi yamba ne: bakaji badi ne bua kuitaba ku meyi.

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!

Efeze 5:3

Nuenu nudi bena tshisamba tshia Mvidi Mukulu. Nanku munkatshi muenu kabatedi, nansha amu kutela mene, buendenda, buenzavi, nansha lukuka lua biuma.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.