Kolose 3:17 - MUKANDA WA MYIDI MUKULU

¹⁷ Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

Kolose 3:17 Referans Kwoze

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Kolose 3:23

Nansha mudimu kaayi unudi nawu, nuwenze ne muoyi mujima, bualu nudi nuwenzela Mfumu, kanuena nuwenzela bantu to.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

1 Yone 3:18

Bana banyi, katuena mua kunangangana amu ne mayuki ne miaku bia patupu. Kadi tudi ne bua kuleja dinanga dietu patoke ku bitudi tuenza.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

2 Tesalonike 2:17

bua buwuje mioyi yenu ne dikima, banupe bukole bua kuenza, ne bua kuakula bionsu bidi bimpe.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Bienzedi 19:17

Bena mu Efeze bonsu, bena Yuda ne bena Ngreke, kumanyabu bualu abu. Kukuatshikabu buowa, kutumbisha dina dia Mfumu Yezu.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

1 Yone 2:23

Bualu muntu udi ubenga Muana, udi ubenga kabidi ne Tatu. Kadi udi witaba Muana, udi udisanga kabidi ne Tatu.

Rome 1:8

Bangabanga ndi ngela Mvidi Mukulu tuasakidila, mu dina dia Yezu Kristu, bualu buenu bonsu. Bualu mu buloba bujima badi bayukila bua ditaba dienu.

Ebrewu 1:5

Katshia Mvidi Mukulu kena muanji kuambila nansha umue wa ku batumibue bende ne: “Wewe ke Muananyi, biangatshile ku lelu meme ndi Tatuebe.” Kena muanji kuambila kabidi mutumibue nansha umue ne: “Nengikale Tatuende, yeye neikale Muananyi.

1 Tesalonike 1:1

Tuetu bonsu, Polu, Silase, ne Timote, tudi tunufundila mukanda ewu, nuenu bena ditaba ba mu Tesalonike, bantu ba Mvidi Mukulu Tatu, ne ba Mfumu Yezu Kristu. Dinanga ne bupole bishindame munda muenu.

1 Bakalenga 18:32

Nanku, muambi Eliya kuibakulula tshilambuilu tshia Maweja-Nangila ne mabue awu. Kuimbaye mukidi munyungulule tshilambuilu tshionsu. Mukidi awu uvua mukumbane mua kuelamu mayi litre makumi asatu.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.