Kolose 3:10 - MUKANDA WA MYIDI MUKULU

¹⁰ Nuenu kulala muntu mupiamupia, udi udienzulula diba dionsu ku tshimfuanyi tshia Mvidi Mukulu, Mumufuki wende, bua amone mua kumumanya menemene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ nuakaluata muntu muhia-muhia udi uvuishibua muhia-muhia mu dimanya dilelela, bu mudi tshifuanyikishi tshia Mumufuki.

Kolose 3:10 Referans Kwoze

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Yezekiyele 11:19

Nennupeshe bonsu muoyi wa mushindu umue. Nembueje munda muenu lungenyi lupialupia. Nengumushe muoyi unudi nawu mupape bu dibue. Nennupingajile muoyi wa kalolu.

Kolose 3:14

Ikalayi nangananga ne dinanga. Ke mukaba udi unusuikakaja bonsu pamue.

Yezekiyele 36:26

Nennupe muoyi mupiamupia. Nembueje mueyelu mupiamupia munda muenu. Nengumushe muoyi wenu mupape bu dibue, mpingaja muoyi wa muntu.

1 Yone 2:5

Kadi muntu udi utumikila muaku wa Mvidi Mukulu, ke muntu udi unanga Mvidi Mukulu muende muonsu. Tshidi mua kutujadikila ne: tudi mu bobumue ne Mvidi Mukulu, ngetshi:

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

1 Yone 2:3

Patudi tutumikila mikenji ya Mvidi Mukulu, ke patudi mua kujadika ne: tudi bamumanye.

Rome 8:29

Bualu bavua Mvidi Mukulu mudianze kusungula, ukavua mudianza kujadika bua kubenza bafuanangane ne Muanende, bua Muanende ashale muanabute munkatshi mua bana babu bavule.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Didimanyisha 21:5

Diba adi uvua musombe mu nkuasa wa butumbi kuambaye ne: “Mpindiewu ndi ngenzulula bionsu, bishale bipiabipia.” Pashishe kungambilaye ne: — Funda miaku yanyi eyi, bualu idi milelela. Udi mua kuyitaba.

Efeze 2:15

Uvua mushipe mikenji ya bena Yuda, meyi ne mikandu biayi. Ke muvuaye mufile bupole munkatshi mua bantu ba bisamba bibidi ebi, mubenze muntu umue epele mupiamupia munda muende.

Ngalate 6:15

Nansha bakuteke panshi, nansha kabayi bakuteke panshi, kabiena ne bualu. Tshikole Mvidi Mukulu anuenze bantu bapiabapia.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Rome 13:12

Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

Ngalate 3:27

Nuenu bonsu mbanutue mu mayi, bua nuenze tshintu tshimue ne Kristu! Nsombelu mupiamupia unudi nende mu Kristu, udi bu tshilamba tshinudi bavuale.

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

Ebrewu 6:6

Kadi nansha biobi nanku, badi bapingana mu nsombelu mubi. Kabena mua kukudimuna nsombelu wabu musangu muibidi. Bualu badi bapopela Muana wa Mvidi Mukulu tshiakabidi pa mutshi mutshiamakane, banyishe bua bamupende patoke.

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Genese 5:1

Ke mena a bantu ba ku ndelanganyi ya Adame: Dituku divua Mvidi Mukulu mufuke bantu, wakabafuka bamufuane yeye Mvi-di Mukulu.

Rome 6:4

Pavuabu batutue mu mayi, bavua batujike nende, bua tuikale bafue nende, tubike kabidi nende ku lufu, muvua Kristu mubike ku bukole bua butumbi bua Tatu, bua tupete petu nsombelu mupiamupia.

2 Korente 4:16

Ke patudi katuyi tuteketa mu maboku. Nansha bukole bua mubidi buenda buteketa ku kakese ku kakese, muoyi utudi tupeta kudi Mvidi Mukulu udi wenda ukola ku dituku ku dituku.

Filemone 1:6

Ndi ndomba Mvidi Mukulu bua didisanga dietu nebe mu ditaba dikuame bimuma. Ke muudi mua kumanya bimpe bitambe bilenga bionsu bitudi nabi munda mua Kristu.