Kolose 2:15 - MUKANDA WA MYIDI MUKULU

¹⁵ Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakadiumushileye makelenge ne makokeshi, wakamuenesha hatoke to, wakâkoka bu muatambi ku mutshi wandi mutshiamakane.

Kolose 2:15 Referans Kwoze

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

Efeze 4:8

Ke padi Mukanda wa tshijila wamba ne: “Diba divuaye mubande mulu, mmuye ne bena lukanu, mmuabanyine bantu mapa.”

Matayi 12:29

Muntu kena mua kubuela mu nzubu wa muena makanda, kuangata bintu biende, kayi muanji kusuika muena makanda awu mionji. Yeye mumane kumusuika, udi mua kuangata bintu bionsu bidi mu nzubu awu.

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Yowanane 16:11

Badi batupakana bua mushindu udi Mvidi Mukulu ukosa nsambu, bualu mfumu wa bena panu bakadi bamane kumulumbuluisha.

Luke 10:18

Yezu kubandamuna ne: — Mvua mumone diabolu ukuluka mu diulu bu muele wa mvula.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

Misambu 68:18

Mvidi Mukulu udi ne matempu a mvita binunu ne binunu. Maweja-Nangila mmufume nawu ku mukuna wa Sinayi, uya ku muaba wende wa tshijila.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.

Luke 11:22

Kadi padi muntu udi mumupite dikanda ufika, umutshimuna, udi umunyenga bia mvita bivuaye mutekemene. Udi wabanya kabidi bionsu bidiye mupawule.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Yowanane 19:30

Yezu mumane kunua maluvu awu, kuambaye ne: — Bionsu mbimane kukumbana! Pashishe kuinyikaye mutu, kukula muoyi.

1 Korente 15:24

Pashishe nshikidilu udi ufika. Kristu neapite makalenga, mamfumu ne makole onsu a panu ku bukole. Neapeshe Mvidi Mukulu Tatuende Bukalenga.

2 Korente 2:14

Kadi tutumbishayi Mvidi Mukulu, bualu misangu yonsu udi utubueja mu mulongu wa badi batshimuna, patudi badisange ne Kristu. Udi utuangata bu bena mudimu bende, bua tumanyishe Kristu miaba yonsu, mudi dipembu dia manananshi ditangalaka miaba yonsu.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Kolose 2:10

Nuvua bapete bionsu menemene mu didisanga dienu nende. Kristu udi mfumu wa Diakalenga onsu, ne wa makole onsu a mulu.