Genese 9:6 - MUKANDA WA MYIDI MUKULU

⁶ Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Muntu yonso udi umatshisha mashi a munga muntu hanshi, nebamatshishe mashi andi hanshi, bualu bua Nzambi wakafuka bantu mu tshifuanyikishi tshiandi.

Genese 9:6 Referans Kwoze

Lewitiki 24:17

“Padi muntu ushipa mukuende, bamushipe pende.

Matayi 26:52

Ke Yezu kumuamba ne: — Pingaja muele webe mu tshibubu. Bualu yonsu watula muele, neafue ku muele.

Didimanyisha 13:10

Muntu udibu bafundile lukanu, nebaye nende mu lukanu. Muntu udibu bafundile kufua ku muele wa mvita, neafue ku muele wa mvua. Ke padi bantu ba Mvidi Mukulu ne bua kunanukila mu dikenga, kuleja ditaba diabu.”

Dibadika 35:33

“Kanunyangakaji ditunga dinudi basombe to. Numanye ne: mushipianganyi udi unyanga ditunga. Nanku padibu bashipa muntu mu ditunga, bua kumusha mikiya idi mikuate ditunga, amu bobu bashipe mushipianganyi awu.

Yakobe 3:9

Tudi tuela nalu Maweja-Nangila Tatu wetu tuasakidila. Kadi tudi tutshipa nalu bantu badi Mvidi Mukulu mufuke ku tshimfuanyi tshiende.

Genese 5:1

Ke mena a bantu ba ku ndelanganyi ya Adame: Dituku divua Mvidi Mukulu mufuke bantu, wakabafuka bamufuane yeye Mvi-di Mukulu.

Rome 13:4

Bualu bamfumu badi bakuatshila Mvidi Mukulu mudimu, bua kukusaka ku dienza dia malu mimpe. Kadi paudi wenza malu mabi, wabatshina! Bidi bimpe bua bamfumu bapete bumfumu bua kunyoka bantu. Ke mudibu bakuatshila Mvidi Mukulu mudimu, bua kuleja tshiji tshidiye ulekela badi benza bibi.

Genese 4:14

Lelu udi ungipata pa buloba. Ndi nya kusomba mutantshi mule nebe. Nenshale muendakanyi. Muntu yonsu ungasangila nende neanshipe.

Misambu 51:4

Ungumushe bubi buonsu, untokeshe ku tshilema tshianyi.

Dibadika 35:25

Bena Izrayele nebasungidile muntu udi mushipangane mu mpukapuka awu. Nebamusokoke mu tshimenga tshia kunyemena, bua musombuedianganyi kamushipi to. “Mushipianganyi awu, neashale mu tshimenga atshi, too ne pafua mutuangaji munene uvuabu bajidile ne manyi a tshijila.

Lewitiki 17:4

udi ne bua kufika ne nyama ayi ku mushiku wa ntenta wa kusambakena bua ayilambule Maweja-Nangila kumpala kua nzubu wende wa tshijila. Yeye kayi muenze nanku, mmuena tshibawu. Nenku nebamuipate mu bena Izrayele, bua mashi adiye mumatshishe panshi, kayi mulonde mikenji.

1 Korente 11:7

Nanku muntu mulume kena mua kuvuala tshintu ku mutu, bualu udi tshimfuanyi tshia Mvidi Mukulu, tshidi tshileja butumbi buende. Kadi mukaji udi uleja butumbi bua bayende.

Genese 42:22

Rubene kubavuluija ne: — Mvua munuambile ne: kanuenzedi muana ewu bibi to. Nuenu kubenga kunteleja. Mpindiewu bakadi batusombuela, bua lufu luende.

Ekesode 20:13

“Kushipi muntu.

Dielulula 5:17

“Kanushipi muntu.

Balombodi 9:56

Ke muvua Mvidi Mukulu mufute Abimeleke, bua bubi buvuaye muenzele tatuende, mushipe bana babu ba balume makumi muanda mutekete.

1 Samuele 15:33

Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.

2 Bakalenga 11:16

Kuyabu ne Ataliya ku luseke lua ku nzubu wa bukalenga. Bafika nende ku tshiibi tshia nyama ya tubalu, kumushipabu.

Nsumuinu 28:17

Muntu mushipe muntu nende, neaye kudiela mu dijimba. Bantu kabamupumbishi bua kuenza nanku to.

Muambi 3:3

Tshikondu tshia kushipa ne tshikondu tshia kuondapa mputa, tshikondu tshia kubutula ne tshikondu tshia kuibaka.

Dibadika 35:16

“Pikalabu bashipe muntu ne tshiamu, nansha ne dibue nansha ne mutshi bidi mua kushipa muntu, mushipianganyi awu mmuena tshibawu. Nebamushipe pende.

Dielulula 19:11

Kadi pikala muntu mukine muanabu, kubutamaye mua kumukuata, kumushipa, pashishe kunyemenaye mu tshimue tshia ku bimenga ebi bisatu,

2 Samuele 4:11

Kadi nuenu bantu bena buenzayi, badi bashipa muntu kayi ne bualu, muikale mu nzubu wende, mulale pa bulalu buende, meme ndi mua kunuenzela tshinyi? Ndi nnunyoka bua dishipangana dienu. Ndi nnumusha pa buloba kashidi.

1 Bakalenga 2:9

Kadi, mpindiewu wewe udi ne lungenyi, kuedi meji ne: Shimeyi kena ne bualu to. Udi mumanye tshiudi mua kumuenzela. Nansha mudiye mumane kukulakaja, uvuluke bua kumushipabu.”

2 Bakalenga 11:1

Ataliya, mamuende wa mukalenga Akaziya, kupeta lumu lua lufu lua muanende. Nanku, kuelaye meji a kushipa ndelanganyi yonsu ya mu diku dia bukalenga.

2 Bakalenga 11:20

bantu bonsu bavua basanka bikole. Balombodi ba bena mvita bamane kushipela Ataliya ku nzubu wa bukalenga, mu tshimenga kushalamu talala.

2 Kulondolola 33:24

Balombodi ba mvita ba mukalenga Amone kumuelela tshifufu tshibi, kumushipelabu mu nzubu wende wa bukalenga.