Genese 9:23 - MUKANDA WA MYIDI MUKULU

²³ Nanku Sheme ne Yefete kuangata tshilamba tshia Nowa, kutshibuikila pa makaya abu. Bonsu babidi kuya natshi tshianyima, kubuikila tatuabu uvua butaka. Bavua batangila luseke lukuabu bua kabamonyi butaka bua tatuabu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Sheme ne Yafete bakangata tshilulu, bakatshiteka ha makaya abo, bakaya tshianyima, bakabuikila butaka bua tatu abo, mpala yabo yakadi mitangile kukuabo, kabakatangila butaka bua tatuʼabo nansha.

Genese 9:23 Referans Kwoze

Ngalate 6:1

Bana hetu, bu mudi Mueyelu unulombola, nuenu bajikile muntu wenza bualu bubi, numupingaje mu njila mululame ne miaku mimpe. Yonsu wa kunudi amanye ne: badi mua kunteta ne meme kabidi.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

1 Petro 2:17

Nunemeke bantu bonsu. Nunange bena ditaba nenu. Nutshine Mvidi Mukulu. Nunemeke mukalenga wa bakalenga.

1 Timote 5:19

Kuena mua kuanyisha bua bafunde mukulu ku tshilumbu, amu padi bafundi babidi nansha basatu batshijadike.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

1 Timote 5:1

Kubedi mukulumpe ne lonji nansha. Kadi uyukile nende, mumutangile bu tatuebe. Uyukile ne bansonga, mubatangile bu bana benu.

Rome 13:7

Nulambuile bonsu binudi ne bua kubalambuila. Nulambule tshitadi kudi udi utshilambuisha. Nufute binudi ne bua kuhita. Nutshine unudi ne bua kutshina. Nunemeke unudi ne bua kunemeka.

Lewitiki 19:32

“Panudi numona muntu mukulumpe, nujuke kulu ne kanemu. Nuleje munudi nunnemeka. Bualu meme ndi Maweja-Nangila Mvidi Mukulu wenu.

Genese 9:22

Kame, tatuende wa Kenaane, kumona butaka bua tatuende Nowa, kupatuka bua kuambila bana babu babidi bavua pa mbelu.

Genese 9:24

Maluvu mamane kumutenduka, Nowa kumvua tshivua muanende wa mukala mumuenzele atshi.