Genese 6:17 - MUKANDA WA MYIDI MUKULU

¹⁷ Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Tangila, meme nkayanyi, nendokeshe mai mangi ha buloba bua kujimisha bintu bionso bidi ne muhuya wa muoyo munda muabi muinshi mua diulu, tshintu tshionso tshidi ne muoyo ha buloba netshifue.

Genese 6:17 Referans Kwoze

2 Petro 2:5

Bantu ba kale, Mvidi Mukulu kavuamubafuile luse. Wakalokeshila benji ba malu mabi aba mvula wa tshipupu. Kusungidilaye amu bantu muanda mukulu. Ke Nowa uvua ulongesha malu mimpe, kabidi ne bantu bakuabu muanda mutekete.

Genese 7:4

Bualu papita matuku muanda mutekete, nendokeshe mvula pa buloba matuku makumi anayi a munya ne a butuku. Nembutule bintu bionsu bidi ne muoyi, bindi mufuke pa buloba.”

1 Petro 3:20

Ke bantu bavua babenge kutumikila Mvidi Mukulu ku kale. Mvidi Mukulu uvua windila ne lutuulu, mu tshikondu tshivua Nowa muenze buatu. Bantu bakese, bonsu basanga amu muanda mukulu, ke bavua babuele mu buatu, bapandile ku mayi.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Misambu 107:34

buloba bua bufuke buenza bua lusenga, pikala badi basombapu benza malu mabi.

Amosa 9:6

Mvidi Mukulu mmuibake nzubu yende mu diulu, mmubuikile buloba ne tshibuashibuashi. Mmubikile mayi, apatuke mu mayi manene, bua aatangalaje pa buloba. Dina diende ke Maweja-Nangila.

Misambu 29:10

Maweja-Nangila udi uleja pa mayi manene mudiye mfumu, mudi bukalenga buende bua kashidi.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Luke 17:27

Bantu bavua badia, banua, baselangana, ne ku diba divua Nowa mubuele mu buatu. Ke mvula wa tshipupu kuloka, kubabutula bonsu.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Yezekiyele 34:20

Ke pandi meme Maweja-Nangila nnuambila ne: ndi ndumbuluisha mikoku yanyi, nkosa tshilumbu tshia idi minyane ne idi ne manyi.

Yezekiyele 34:11

“Meme Maweja-Nangila ndi ngamba ne: biangatshile mpindiewu, meme nkayanyi nendiangatshile bulami bua mikoku yanyi.

Yezekiyele 6:3

Bantu badi basomba ku mikuna minene ne mikese, mu bibandabanda ne mu mpongu, bakuteleje. Meme Maweja-Nangila Mvidi Mukulu ndi mbambila ne: “Nennutumine mvita bua kunyanga miaba yenu inudi nutendelela mvidie.

Yezekiyele 5:8

Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Yeshaya 54:9

Nengenze lelu, bimvua muenze mu matuku a Nowa. Mvua muditshipe ne: mayi a mvula kaena mua kubuikila kabidi buloba to. Ndi nditshipa kabidi nanku lelu ne: tshiena nkufikila munda, tshiena nkutandisha kabidi to.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Yobe 22:16

Bobu bakafua matuku abu kaayi manji kukumbana, amu bu tshimana tshidi mayi upula.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Ekesode 14:17

Nempeshe bena Ejipitu muoyi mukole wa tshitunu bua banulonde. Pashishe meme nendeje butumbi buanyi. Nembutule mukalenga wa bena Ejipitu ne tshiluilu tshiende tshijima, matempu ne badi babanda pa tubalu.

Genese 6:13

Nanku kuambilaye Nowa ne: “Tshikondu tshia kubutula bionsu bidi ne muoyi pa buloba tshiakumbanyi! Bualu buenzayi budi pa buloba bujima, mbufume anu kudi bantu. Nanku ndi musue kubabutula pa buloba.

Genese 6:7

Kubungamaye wamba ne: “Nembutule muntu undi mufuke pa buloba. Nembutule kabidi nyama yonsu minene ne mikese too ne nyunyi yonsu idi ibuka mulu, bualu ndi ne kanyinganyinga bua pandi mubifuke.”

Matayi 24:39

Bantu kabavua bajingulule bivua bienzeka. Kupapukilabu amu pasua mvula mukole mupite ubanga kuloka, ubabutula bonsu. Ke muafika Muana wa muntu.

Genese 9:9

“Ndi ntua nenu ndondu, kabidi ne ndelanganyi yenu.

Genese 7:17

Mayi kuwuja buloba mu matuku makumi anayi. Mayi kuvulangana, kubandisha buatu kulu. Kushalabu bulelema pa mayi.

Genese 7:15

Nyama kubuela mu buatu pamue ne Nowa, mulume umue ne mukaji umue ku nyama yonsu.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 6:16

Buatu buikale ne musonga, kadi pankatshi pa musonga ne bimana pikale ntanta wa santimetre makumi atanu. Buatu abu buikale ne mushiku ku luseka. Buikale ne nzubu isatu milungakaja ya tshilalakulu: wa panshi, wa pankatshi ne wa kulu.