Genese 50:5 - MUKANDA WA MYIDI MUKULU

⁵ “Tatu wanyi kayi muanji kukula muoyi, uvua munshila diyi bua meme kuditshipa bua kumujika amu mu ditunga dia Kenaane mu lukita luvuaye mumane kudilongolola.” Nanku ndi ndomba bua kuya kumujika. Pashishe nempingane.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Tatu wanyi wakuntshihisha ne, Hanafua unjike mu muaba unakasumba mu buloba bua Kanâna. Nunku witabushe bua meme kuya bua kujika tatu wanyi, nempingane kûdi kabidi.

Genese 50:5 Referans Kwoze

Yeshaya 22:16

Bumfumu buudi nabu muaba ewu mbumfumu kaayi? Bulela buudi nabu apa mbulela kaayi? Udi udiumbuila lukita, udiumbuila majambu pa mukuna, udiumbuila webe muaba wa ndekelu munda mua lubuebue bishi?

2 Kulondolola 16:14

Kumujikabu mu lukita lukuabu lua ku nkita ivuaye mumbuishe mu Tshimenga tshia Davide. Kujikabu tshitalu tshiende muaba uvuabu basangishe manananshi a bungi a mishindu mishilangane. Manananshi awu bavua baenza kudi bantu bavua bamanye mudimu awu bikole. Bavua bosha manananshi mavule mu dina dia mukalenga Asa.

Matayi 27:60

Pashishe kulongaye tshitalu atshi mu lukita luende lupialupia, luvuaye mumbuishe mu lubuebue. Kubungulujaye dibue dinene bua kubuikila mushiku wa lukita, kuyaye.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Muambi 6:3

Muntu udi mua kulela bana lukama, kulala kabidi panu bidimu bivule. Kadi bionsu ebi nebimuenzele tshinyi padiye kayi ne diakalenga matuku onsu adiye ulala panu, kabidi padi bantu kabayi mua kumujika bimpe? Ndi ngamba ne: muana wa tshibika mmumupite ku diakalenga.

Misambu 79:3

Bitalu bia bakulamatshi bebe bidi panshi, miaba yonsu mu Yerushalayime, kakuyi muntu udi mua kubijika.

Yobe 30:23

Ndi mumanye ne ukadi untuma ku bafue, muaba udi bonsu batshidi ne muoyi ne bua kusangila.

1 Samuele 14:43

Ke Shawule kuambila Yonatane ne: — Unsokoluele bualu buudi muenze. Yonatane kuandamuna ne: — Mvua muangate buitshi bukese ku lusongu lua dikombu dianyi, meme kudia. Mpindiewu ndi amu mua kufua.

Dielulula 4:22

Nanku meme nemfuile mu ditunga ditudi edi. Tshiakusabuka musulu wa Yardene to. Anu nuenu nenusabuke musulu ewu, bua kukuata ditunga dimpe, didi dishiya dia musulu ewu.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

Genese 48:21

Pashishe Yakobe kulaya Yozefe, umuambila ne: — Nkadi mikolu ku tshiina. Kadi Mvidi Mukulu neanulame, anupingaje mu ditunga dia bankambua benu.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 50:4

Batangalaja amu madilu a Yakobe, Yozefe kuambila balombodi ba mu bukalenga bua bena Ejipitu ne: — Ndi nnusengelela ne: Panudi bannange, nundombele kudi mukalenga wa bena Ejipitu, akumbaje dijinga dianyi edi:

Genese 50:6

Mukalenga wa bena Ejipitu kuitaba ne: “Mbimpe, uye kujika tatuebe bu muvuaye mushiye diyi.”