Genese 5:5 - MUKANDA WA MYIDI MUKULU

⁵ Bidimu bia Adame pa buloba bidi nkama tshitema ne makumi asatu. Pashishe kufuaye.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Matuku onso a Adama akadi nkama tshitema ne makumi asatu, yeye wakafua biandi.

Genese 5:5 Referans Kwoze

Genese 5:11

Bidimu bia Enoshe bidi nkama tshitema ne bitanu. Pashishe kufuaye.

Genese 5:8

Bidimu bia Shete bidi nkama tshitema dikumi ne bibidi. Pashishe kufuaye.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

Yezekiyele 18:4

Bualu muoyi wa bantu bonsu ngwanyi meme. Muoyi wa baledi ngwanyi meme, anu bu mudi muoyi wa bana. Anu muena tshibawu wasangana kufua anyi? Wafua!

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Muambi 9:5

Bualu bantu ba muoyi mbamanye ne: netufue. Kadi bafue bobu ki mbamanye kalu nansha kamue. Bafue kabena bindila kantu, bualu bakadi babapue muoyi.

Misambu 90:10

Bantu ba dikanda badi mua kulala panu bidimu makumi muanda mutekete, anyi makumi muanda mukulu, kadi mu bungi bua bidimu abi, tudi ne ntatu ne makenga. Tudi tuya lukasa batangila ku lufu.

Misambu 89:48

Umvuluke, matuku anyi a panu adi makese! Badi mua kuamba ne: udi mufuke bantu bua patupu!

Yobe 30:23

Ndi mumanye ne ukadi untuma ku bafue, muaba udi bonsu batshidi ne muoyi ne bua kusangila.

Muambi 9:8

Matuku onsu uleje amu disanka, vuala bilamba bimpe, laba manananshi pa mpala.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Genese 5:4

Adame mumane kulela Shete, kushalaye kabidi ne muoyi bidimu nkama muanda mukulu. Kulelaye balume ne bakaji.

Genese 5:6

Shete mumane kukumbaja bidimu lukama ne bitanu, kulelaye Enoshe.

1 Kulondolola 1:1

Adame uvua tatuende wa Shete. Shete uvua tatuende wa Enoshe.