Genese 49:8 - MUKANDA WA MYIDI MUKULU

⁸ Yuda, bana benu nebakutumbishe, Neufyekele bena lukuna bebe mu nshingu. Bana benu, nansha ba tatu mene, nebakukukuile.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yuda, bana benu nebakutumbishe, tshianza tshiebe netshifiekele mu nshingu ya bantu badi nʼebe lukuna, bana ba tatu ebe nebakukukuile.

Genese 49:8 Referans Kwoze

Ebrewu 7:14

Tudi bamanye bimpe ne: bavua balela mfumu wetu mu tshisamba tshia Yuda. Pavua Moshe mufunde mikenji idi itangila batuangaji, kavua mutele tshisamba etshi ku bualu nansha bumue.

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Yoshua 10:24

Bafike amu ne bakalenga abu kudiye, Yoshuwa kubikidisha bena Izrayele, kuambila balombodi ba bena mvita bavua nende mu mvita bua basemene pabuipi, ne: — Semenayi apa. Diatayi bakalenga aba mu nshingu. Balombodi ba bena mvita kuenza nanku.

Dielulula 33:7

Moshe kuela ndelanganyi ya bena Yuda lupemba, wamba ne: “Maweja-Nangila, bena Yuda badi bakubikila, ubateleje! Ubambuluishe, bua bumvuangane ne bana babu! Bavua badiluila mvita ne bukitu. Ubakuatshishe, batshimune baluishi babu.”

Genese 29:35

Leya kuimita difu dikuabu, kulela muana wa balume. Kuinyika muana awu dina dia Yuda. Kuambaye ne: — Mpindiewu nentumbishe Maweja-Nangila. Lulelu lua Leya kukoseka.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 5:5

Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.

Ebrewu 10:13

Mpindiewu ke muaba udiye windila bua Mvidi Mukulu ateke baluishi bende bu tshidiatshilu kuinshi kua makasa ende.

Yezekiyele 21:29

Ke pandi meme Maweja-Nangila mbambila ne: “Nudi numvuluija bubi buenu matuku onsu, ku malu mabi anudi nuenza patoke. Malu onsu anudi nuenza, adi amvuluija munudi bena tshibawu. Nanku, bu munudi kanuyi basue kudilengeja, nenubuele mu bianza bia baluishi!

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Misambu 76:1

Musambu wa mu mukanda wa mulombodi wa bena misambu. Wa kuimba ne bisanji bia nshinga dikumi. Wa mu mukanda wa misambu ya Asafe.

2 Kulondolola 30:11

Kadi bantu bakuabu ba mu tshisamba tshia Ashere, tshia Menashe, ne tshia Zebulone, kuvuluka muvuabu benze bibi. Nenku kuyabu mu Yerushalayime.

2 Kulondolola 17:2

Kutekaye bisumbu bia bena mvita mu bimenga bionsu bivua bena Yuda bakoleshe ne bimana. Kutekaye balombodi mu bukalenga buende, too ne mu bimenga bionsu bivua tatuende Asa munyenge bena Efrayime.

2 Kulondolola 15:9

Bena Izrayele ba bungi ba mu bisamba bia Efrayime, Menashe ne Shimeyone, kulamatabu mukalenga Asa. Kusombabu mu bukalenga buende, katshia bamone ne: Mvidi Mukulu uvua nende. Mukalenga Asa kubabikidisha mu bisangilu, pamue ne bena tshisamba tshia Yuda ne tshia Binyamine bonsu.

2 Kulondolola 14:8

Zera wa bena Kushe kufika bua kuluisha Asa ne bantu bende. Uvua ne bena mvita binunu tshinunu, matempu a mvita nkama isatu. Kufikaye too ne ku Maresha.

2 Samuele 24:9

Yowabe kuambila mukalenga Davide bungi bua bantu bonsu bavuabu babadike. Bena Izrayele bavua ne bena mvita 800.000 batshivua ne bukole bua kuluangana. Bena Yuda bavua ne bena mvita 500.000.

2 Samuele 22:41

Udi unyemesha baluishi kumpala kuanyi. Ndi mua kubenzela mundi musue.

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

Dibadika 26:22

Meku onsu a bena Yuda aa avua ne bantu balume 76.500.

Dibadika 10:14

Tshiluilu tshivua ku diyi dia tshisamba tshia Yuda kupita kumpala, bena mvita bambule dibendela diabu. Nashone, muana wa Aminadabe, ke uvua ulombola bena Yuda.

Genese 46:12

Yuda uvua mulele bana ba balume basatu: Shela, Perese ne Zera. Kadi bana bakuabu ba balume ba Yuda, Ere ne Onane, bakavua bafuile mu Kenaane. Perese uvua mulele bana ba balume babidi: Esrone ne Amule.

Genese 42:6

Bafika mu Ejipitu, kudielabu mpala panshi kumpala kua Yozefe, bualu yeye ke uvua utangila ditunga adi dijima, usumbisha bantu benyi bonsu biakudia.

1 Kulondolola 28:4

Kadi Maweja-Nangila Mvidi Mukulu wa Izrayele uvua munsungule munkatshi mua bena diku dia tatu wanyi, bua meme ne ndelanganyi yanyi tushale mu bukalenga kashidi mu Izrayele. Ku kale, uvua musungule tshisamba tshia bena Yuda bua tshikale tshisamba tshia bukalenga. Pashishe mu tshisamba tshia bena Yuda, wakasungula diku dia tatuanyi. Munkatshi mua bana ba balume ba tatuanyi, kunsungulaye bua nshale mukalenga wa bisamba bionsu bia bena Izrayele.

Yoshua 15:20

Ke buloba buvuabu babanyine bena tshisamba tshia Yuda, bilondyshile meku abu.