Genese 48:18 - MUKANDA WA MYIDI MUKULU

¹⁸ Yozefe kuambila tatuende ne: — Tatu, lekela kuenza nanku. Teka tshianza tshia balume amu pa mutu pa Menashe muanabute.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yosefe wakambila tatuʼandi ne, Nansha, tatuʼanyi, kuenji nunku, bualu bua eu udi muanʼa bute, utentekashe tshianza tshiebe tshia balume ha mutu handi.

Genese 48:18 Referans Kwoze

Bienzedi 11:8

Meme kuandamuna ne: “Mfumu, tshiena mua kuenza nanku. Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.”

Bienzedi 10:14

Ke Petro kuandamuna ne: — Mfumu, tshiena mua kuenza nanku to! Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.

Matayi 25:9

Midimuke kuandamuna ne: “Too! Bualu mafuta kaena mua kutukumbana nenu to. Nanku mbimpe nuye kudi bapanyishi, nuye kusumba enu.”

Ekesode 10:11

Kabiena mua kuenzeka to. Nuenu bantu balume bu munudi nujinga kutendelela Maweja-Nangila, nuye nkayenu. Kuipatabu Moshe ne Arone muaba uvua mukalenga wa bena Ejipitu.

Genese 49:3

Wewe Rubene, udi muananyi, muanabute, udi mashi anyi a kumpala. Udi muana undi mulele, pantshivua ne dikanda dionsu. Lumu luebe ne bukole buebe, nebipite bia bana benu bonsu.

Genese 43:33

Bana ba Yakobe bavua basombe batangilangane ne Yozefe. Kadi bavua bakema bikole bua mushindu uvuabu babasombeshe balondangane ku bidimu, biangatshile ku muanabute too ne ku muanamukala. Bavua batangilangana, bakatshila.

Genese 29:26

Labane kuandamuna Yakobe ne: — Katuena ne tshibidilu tshia kuselesha muana wa mukala, kabayi banji kusela mukulu wa bantu.

Genese 27:15

Rebeka kuangata kabidi bilamba bia Esawu muanabute bivua mu nzubu, kubivuadika Yakobe, muana muakunyi.

Genese 19:18

Lote kumusengelela ne: — Mukalenga, kabienzeki nanku to!

Genese 48:17

Yozefe umona tatuende muteke tshianza tshia balume pa mutu pa Efrayime, kavua ne disanka to. Kumushaye tshianza tshia tatuende pa mutu pa Efrayime, bua kutshiteka pa mutu pa Menashe muanabute.

Genese 48:19

Tatuende kubenga, wamba ne: — Muananyi, ndi mumanye tshindi ngenza. Ndelanganyi ya Menashe neyikale tshisamba tshinene. Kadi ndelanganyi ya muakunyende Efrayime neyipite bungi, yenza bisamba bivule.