Genese 47:4 - MUKANDA WA MYIDI MUKULU

⁴ Tudi bafike bua kusomba munemu, bualu ku Kenaane kudi tshiyole tshikole, tshiumisha too ne bisosa bia kudisha bimuna bietu. Nanku, anyisha bua tusombele mu Ngoshene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakambila Palo ne, Tuakuluila bua kushikama mu buloba ebu, katuena ne muaba wa kudisha bimuna bietu bualu bua tshiole tshidi tshikole mu buloba bua Kanana, nunku tudi tukusengelela ne, Witabushe bua bantu bebe bashikama mu buloba bua Goshene

Genese 47:4 Referans Kwoze

Genese 46:34

numuambile ne: tuetu katshia bandela, mudimu wetu udi anu wa kumuna bimuna bu muvua bankambua betu benza. Nanku mukalenga wa bena Ejipitu neitabe bua nusombe mu Ngoshene. Yozefe uvua muambe nanku, bualu bena Ejipitu badi bapepeja bamunyi ba bimuna.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Genese 15:13

Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Genese 43:1

Tshiyole tshia nzala kupita bukole mu Kenaane.

Bienzedi 7:11

Tshiyole tshia nzala kubuela mu ditunga dijima dia Ejipitu ne dia Kenaane. Bantu kukenga bikole. Bankambua betu kabavua ne tshiakudia.

Misambu 105:23

Pashishe Yakobe kuya mu Ejipitu, Izrayele kusomba mu ditunga dia Kame.

Bienzedi 7:6

Ke Mvidi Mukulu kumuambila ne: “Ndelanganyi yebe neisombe mu ditunga dia bende. Nebashalemu mu bupika bidimu nkama inayi. Nebabakengeshemu.

Yeshaya 52:4

Maweja-Nangila Mvidi Mukulu udi wamba kabidi ne: “Kale, bantu banyi bavua badiyile ku Ejipitu, kabayi babenzeja malu ku bukole to. Kadi bena Ashure bavua babakengesha baya nabu ku bukole.

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Genese 47:5

Mukalenga wa bena Ejipitu kuambila Yozefe ne: — Tatuebe ne bana benu mbamane kufika.

Genese 45:10

Tatu neasombe pabuipi nanyi mu ditunga dia Ngoshene, pamue ne bana bende, bikulu bende, too ne bimuna biende: mikoku, mbuji, ngombe ne bionsu bidiye nabi.