Genese 45:7 - MUKANDA WA MYIDI MUKULU

⁷ Mvidi Mukulu ke udi muntume kumpala kuenu mu ditunga edi bua meme kunulamina biakudia, bua kunupandisha nuenu ne ndelanganyi yenu yonsu mushindu ewu wa dikema.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nzambi wakantuma ku mpala kuenu bua kunusangasha difuka dikese dia bantu ne bua kusungila mioyo yenu ku luhandu lunene.

Genese 45:7 Referans Kwoze

Bienzedi 7:35

Bena Izrayele bavua babenga Moshe, bamuamba ne: “Udi mukuteke mfumu ne mukoshi wa nsambu yetu nnganyi?” Kadi yeye Moshe, ke muntu uvua Mvidi Mukulu mutume, bua alombole bantu bende, abapikule ku diambuluisha dia mutumibue wende, uvua mumumuenekele mu tshipuka.

Misambu 44:4

Bankambua betu kabavua bakuate ditunga adi, ku muele wabu wa mvita, nansha ku bukole bua diboku diabu, kadi amu ku diambuluisha diebe, ne ku bukole buebe. Uvua nabu diba dionsu, bualu uvua mubanange.

Misambu 18:50

Ke pandi nkutumbisha mu bukua bisamba, nkuimbila misambu, nkusamuna.

Balombodi 15:18

Diakamue Shimeshone kumvua nyota mikole. Kubikilaye Maweja-Nangila bua amuambuluishe, wamba ne: — Eyi, Mvidi Mukulu, wewe ke udi mungambuluishe bua kutshimuna mvita mikole eyi. Kadi mpindiewu, ndi mfua ne nyota, anu bua kunkuatabu kudi bantu abu, badibu kabayi bateke panshi.

1 Kulondolola 11:14

Elazare ne bantu bavuaye nabu bavua bela mualu wa mvita munkatshi mua budimi abu. Kutangalajabu bena Peleshete, kubatshimuna. Maweja-Nangila uvua muambuluishe bena Izrayele bua batshimune, badie lumu.

Genese 45:5

Kadi kanutshinyi, kanupampakanyi bua panuvua bampane. Mvidi Mukulu ke uvua muntume kumpala kuenu, bua mmone mua kunupandisha.

Genese 50:20

Nuenu nuvua ne meji a kungenzela bibi. Kadi Mvidi Mukulu uvua musue kukudimuna bibi abi bua bikale bimpe. Mvidi Mukulu uvua musue kupandisha bantu ba bungi, bu munudi numona lelu.

Genese 47:12

Yozefe uvua wambuluisha tatuende, bana babu ne bonsu ba mu diku diabu ne biakudia bilondeshile bungi bua bantu.