Genese 45:6 - MUKANDA WA MYIDI MUKULU

⁶ Mpindiewu tudi mu tshidimu tshibidi tshia tshiyole. Kumpala eku kutshidi bidimu bikuabu bitanu, bidi bantu kabayi mua kudima nansha kunowa.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Tshiole tshiakashala mu buloba bidimu bibidi, ne bidimu bitanu bidi bishala bidibo kabayi badima, kabayi bahuola bintu.

Genese 45:6 Referans Kwoze

Genese 47:23

Yozefe kuambila bena ditunga ne: — Mpindiewu nuenu bonsu nudi bajadike mundi mumane kunusumba, musumbe kabidi ne madimi enu. Nudi bashale bapika ba mukalenga wa bena Ejipitu. Nanku, angatayi maminu, nuye kukuna mu madimi.

Genese 41:56

Tshiyole tshia nzala atshi kutampakana mu ditunga dijima dia Ejipitu. Nanku Yozefe kunzulula nzubu ya mayeba, bua bantu basumbe biakudia. Kadi tshiyole tshivua tshienda tshipite bukole mu ditunga dia Ejipitu.

Genese 41:54

Bidimu bikuabu muanda mutekete bia tshiyole tshia nzala kutuadija bu muvua Yozefe mumane kuamba. Tshiyole kufika mu matunga makuabu onsu. Kadi biakudia bivua mu Ejipitu.

Yeshaya 30:24

Ngombe ne mpunde, idi isekuna buloba, neipete biakudia bivule, bisosa bimpe bidi ne luepu, bidibu bapepula, balandakaja panshi, ne kakasu kadi ne minu bu ya nsomu.

1 Samuele 8:12

Bana benu bakuabu nebikale balombola bena mvita tshinunu, balombola bena mvita makumi atanu. Mfumu awu, neangate bana benu nansha bakuabu bua kumudiminabu madimi, bua kunowa biakudia, nansha bua kumuenzela biamu bia kuluangana nabi, ne bintu bia kuteka mu matempu ende.

Dielulula 21:4

Nebaye nende pabuipi ne musulu udi ne mayi apueka amu kupueka, ku mielelu yawu kudibu kabayi banji kudima, nansha kukuna biakudia. Pafikabu ne muana wa ngombe muaba awu, nebamunyongoboje nshingu.

Ekesode 34:21

“Nuenze mudimu anu matuku asambombu. Nuikishe dituku dia muanda mutekete, nansha mu tshikondu tshia kudima, nansha tshia kunowa biakudia.

Genese 47:18

Tshidimu atshi tshijike, bena Ejipitu kupingana kabidi kudi Yozefe, bamuambila ne: — Mfumu, kufua bundu nkufua nzala. Makuta atuvua nawu ne bimuna bietu, ukadi mumane kubiangata. Tudi bashale amu ne madimi etu, kabidi ne mibidi yetu.

Genese 37:2

Malu a bana ba Yakobe adi nunku: Yozefe ukumbaja bidimu dikumi ne muanda mutekete, kuyaye kudisha bimuna bia tatuende, pamue ne bakulu bende, kabidi ne bana ba Bila ne ba Zilpa, bakaji bapika ba tatuende. Kadi Yozefe uvua wambila tatuende malu mabi onsu a bana babu.

Genese 41:46

Pa wabu bamufite kua mukalenga wa bena Ejipitu apu, Yozefe uvua ne bidimu makumi asatu. Ke Yozefe kulayangana ne mukalenga wa bena Ejipitu, kutuadija kuendakana, utangila midimu mu ditunga dijima dia Ejipitu.

Genese 41:53

Bidimu muanda mutekete bia biakudia bia bungi kupita.

Genese 41:35

Basangishe biakudia ebi mu bidimu ebi muanda mutekete bidi kumpala. Bunguije ntete ya kuenza bukula mu mayeba mu bimenga, bayilamemu, wewe wikale ubatangila.