Genese 43:23 - MUKANDA WA MYIDI MUKULU

²³ Muena mudimu awu kubakolesha ku muoyi, wamba ne: — Kanupampakanyi to! Nuikale ne ditalala! Nuvua bampeshe makuta enu, ndi nawu! Kadi Mvidi Mukulu wenu, Mvidi Mukulu wa bankambua benu, ke udi mulongolole makuta mu bibombi bienu. Muena mudimu kupatula kabidi Shimeyone mu lukanu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Yeye wakabambila ne, Nuikale talala, kanutshinyi Nzambi, Nzambi wa tatu wenu, wakanuha bintu mu bibombi bienu, meme nakadi ne argent yenu. Yeye wakalua ne Shimeona kudibo.

Genese 43:23 Referans Kwoze

Genese 42:24

Yozefe kubashiya mutantshi bua kuya kudila. Yozefe upingana, kubambilaye ne: “Ndi ndama Shimeyone.” Kumusuikishaye nkanu, bobu batangile.

Yowanane 20:26

Lumingu kupita, balongi ba Yezu bavua badisangishe mu nzubu tshiakabidi. Tomase uvua nabu. Biibi bivua bikanga ne nsapi. Kadi Yezu kufika, kuimana munkatshi muabu, ubela muoyi ne: — Bupole buikale nenu!

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 20:19

Dilolu mene dia dituku dia lumingu adi, balongi bavua badisangishe mu nzubu, binjile biibi bakanga ne nsapi, bualu bavua batshina bamfumu ba bena Yuda. Ke Yezu kufika, kuimana munkatshi muabu ubela muoyi ne: — Bupole buikale nenu!

Luke 24:36

Patshivua balongi bayukila, ke Yezu kuimana munkatshi muabu. Kubelaye muoyi ne: — Bupole buikale nenu!

Luke 10:5

Panudi nubuela mu nzubu, nudianze kuamba ne: “Bupole buikale mu nzubu emu!”

Genese 42:28

Kubikilaye bana babu, wamba ne: — Tangilayi: mbampingajile makuta anyi. Ngowu aa mu tshibombi tshianyi. Bana babu kupampakana, kumvua bowa. Kukonkanganabu ne: “Tshidi Mvidi Mukulu mutuenzele nunku ntshinyi?”

Ezela 4:17

Artashasta, mukalenga munene, kuandamuna ne: “Wewe Rekume, mulombodi wa ditunga, ne Shimeshayi, tshindonda tshiebe, ne balombodi nebe badi mu Samariya ne mu buloba budi luseke ludi diba dibuelela lua musulu wa Perate, “Ndi nnuela muoyi, a.n.

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

1 Samuele 25:6

Numuambile ne: “Tshidimu etshi tshikulengelele!

Balombodi 19:20

Mukulumpe awu kuandamuna muena Levi ne: — Udi mufike mu nzubu muenu. Meme nenkuambuluishe ne tshintu tshionsu tshiudi kuyi natshi. Kuena mua kulala muaba ewu to!

Balombodi 6:23

Kadi, Maweja-Nangila kumuambila ne: — Wikale ne ditalala, kutshinyi, kuena ufua to!

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Genese 42:36

Tatuabu Yakobe kubambila ne: — Nuambutuidi bana banyi babidi: Yozefe kufua, Shimeyone kenaku! Mpindiewu nudi basue kuya kabidi ne Binyamine. Anu meme nkayanyi makenga bungi nunku!

Genese 43:22

Tudi kabidi ne makuta makuabu a kusumba biakudia. Kadi katuena bamanye uvua mutupingajile makuta mu bibombi to!

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.