Genese 43:21 - MUKANDA WA MYIDI MUKULU

²¹ Pashishe patudi tupingana kuetu, mu njila, butuku buila, tuetu kulala. Patudi tunzulula bibombi bietu, muntu yonsu wa kutudi udi usangana amu makuta ende, avuaye mutule bua kusumba biakudia, ku mibangubangu ya tshibombi tshiende. Kadi makuta awu tudi nawu muaba ewu mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ ne hatuakafika ku nsubu wa tshilala benyi, tuakasulula bibombi bietu, tuakamona argent yetu yonso munda mua tshibombi tshia muntu ne muntu, tuakulua nʼai kabidi mu tshianza tshietu.

Genese 43:21 Referans Kwoze

Genese 43:12

Pashishe, nuangate makuta a kusumba biakudia ne makuta avuabu banupingajile mu bibombi bienu awu, bualu badi mua kuikala batupakane.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

Ebrewu 13:18

Nutulombele kudi Mvidi Mukulu. Bualu tudi bajadike mudi kondu ketu ka munda kakayi katupisha, bualu tudi tujinga kuenza bimpe diba dionsu.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Rome 13:8

Kanuikadi dibanza ne muntu, pa kumusha dia dinangangana. Muntu udi unanga bakuabu, udi ukumbaja bionsu bidi mikenji Uufundila.

Rome 12:17

Kanupingajidi muntu bubi ku bubi. Nukebe kuenza malu mimpe kumpala kua bantu bonsu.

Genese 43:15

Bana ba Yakobe kuangata bintu abi, ne makuta a kusumba biakudia, kabidi ne avuabu babapingajile awu. Kuangatabu kabidi ne muakunyabu Binyamine. Kuyabu ne bintu bionsu abi kudi Yozefe mu Ejipitu.

Genese 43:20

— Mukalenga, utufuile luse, tuetu aba tuvua bafike munemu musangu wa kumpala bua kusumba biakudia.

Genese 43:22

Tudi kabidi ne makuta makuabu a kusumba biakudia. Kadi katuena bamanye uvua mutupingajile makuta mu bibombi to!

Genese 44:8

Patumuku kuetu ku Kenaane, tuvua bafike ne makuta avua mu bibombi, atuvua basangane matenteka pa biakudia. Kadi tudi mua kuiba tshiamu tshitoke tshia mushinga mukole, nansha mpawungi bidi mu nzubu mua mukalenga webe bua tshinyi?