Genese 42:5 - MUKANDA WA MYIDI MUKULU

⁵ Bana ba Yakobe kufika mu Ejipitu pamue ne bantu bakuabu, bua kusumba ntete ya kuenza bukula, bualu tshiyole tshia nzala tshivua mu ditunga dijima dia Kenaane.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bana balume ba Isalele bakalua mu tshisumbu tshia bantu bua kusumbabo bia kudia, bualu bua tshiole tshiakadi mu buloba bua Kanana.

Genese 42:5 Referans Kwoze

Bienzedi 7:11

Tshiyole tshia nzala kubuela mu ditunga dijima dia Ejipitu ne dia Kenaane. Bantu kukenga bikole. Bankambua betu kabavua ne tshiakudia.

Genese 41:57

Bu muvua tshiyole atshi tshikole, tshibutula buloba bujima, bantu ba matunga onsu kufika kudi Yozefe mu Ejipitu bua kusumba biakudia.

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Genese 26:1

Tshiyole tshikuabu tshia nzala kupatuka mu ditunga, tshishilangane ne tshia kumpala tshia mu tshikondu tshia Abrahame. Izake kuya mu Ngerare kua Abimeleke, mukalenga wa bena Peleshete.

Bienzedi 11:28

Umue wa kudibu, diende Agabuse, kujuka. Mueyelu wa Tshijila kumuambila, bua amanyishe bantu ne: “Matuku makese aa tshiyole tshia nzala tshinene netshienzeke pa buloba bujima.” (Tshiyole atshi kuenzeka tshikondu tshivua Klode mukalenga wa bakalenga).

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

Genese 41:54

Bidimu bikuabu muanda mutekete bia tshiyole tshia nzala kutuadija bu muvua Yozefe mumane kuamba. Tshiyole kufika mu matunga makuabu onsu. Kadi biakudia bivua mu Ejipitu.