Genese 42:15 - MUKANDA WA MYIDI MUKULU

¹⁵ Kadi ndi musue kunuteta. Ndi nditshipa ne: bu mudi mukalenga wa bena Ejipitu ne muoyi, kanuena mua kumuka mu ditunga edi, muanenu muana wa mukala awu kayi mufike to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ nennutete ku bualu ebu, ndi nditshiha ku muoyo wa Palô ne, Kanuena numuka kunoko anu hanualua ne muanʼenu, muanʼa mukala kunoko.

Genese 42:15 Referans Kwoze

1 Samuele 17:55

Shawule umona ne: Davide wayi kuluangana ne Ngoliyate, kukonkaye Abnere, mfumu mulombodi wa bena mvita bende, ne: — Abnere, nsongalume ewu mmuana wa nganyi? Abnere kuandamuna ne: — Mukalenga, tshiena mumanye to.

Yakobe 5:12

Nangananga, bana hetu, panudi nulaya bualu, kanuditshipi, nutela diulu, buloba, nansha tshintu tshikuabu. Panudi nuitaba, nuambe amu ne: “Eyowa.” Panudi nubenga, nuambe amu ne: “To,” bua Mvidi Mukulu kanupishi.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Genese 43:3

Yuda kuandamuna tatuende ne: — Mulombodi wa ditunga dia Ejipitu uvua mutudimuja, wamba ne: panuikala kanuyi bafike ne muakunyenu wa mukala awu, kanufiki kabidi kundi to.

Genese 42:34

Kadi nupingane ne muakunyenu wa mukala udi mushale, bua meme kujadika ne: kanuena batentekedi, kadi bantu ba nsongu. Pashishe, nendekele muanenu Shimeyone undi mukuate lukole. Nanku nenumone mua kuendakana mu ditunga emu bua kusumba bintu bienu.”

Genese 42:30

— Mulombodi wa ditunga dia Ejipitu uvua ututandisha bikole, utuamba ne: nudi batentekedi.

Genese 42:20

Pashishe nuenu bafike ne muakunyenu udi mushale awu, nenjadike ne: nudi nuamba bulelela. Nanku kanuakufua to. Bana babu kuanyisha muvuaye wamba amu.

Genese 42:16

Nanku tumayi muntu umue wa kunudi, aye kumukeba. Kadi nuenu badi bashale, nubuele mu nzubu wa lukanu. Ke mundi mua kujadika ne: binudi bambe mbia bushuwa. Padibi kabiyi nanku, ndi njadika ne mutshipu ne: bu mudi mukalenga wa bena Ejipitu ne muoyi, nudi batentekedi.

Genese 42:12

Yozefe kubambila kabidi ne: — Nudi nushima! Nudi batentekedi. Nudi nukeba miaba ya kubuelela ne mvita mu ditunga edi.

Genese 42:7

Yozefe umona bana babu, kubamanya. Kadi kavua mudimanyishe kudibu nansha. Kubakanyinaye, ubebeja ne: — Nudi nufuma penyi? Kuandamunabu ne: — Tudi bumukile mu Kenaane. Tudi basue kusumba biakudia munemu.

Genese 42:14

Yozefe kubambila ne: — Ndi ngamba bulelela ne: nudi batentekedi.

Genese 43:5

Kadi wewe mubenge, katuena tuya mu Ejipitu to. Bualu mulombodi uvua mutuambile ne: “Panuikala kanuyi ne muakunyenu wa mukala awu, kanufiki kabidi kundi to.”