Genese 41:42 - MUKANDA WA MYIDI MUKULU

⁴² Ke mukalenga kukopola kakanu kende ka bukalenga, kukela Yozefe ku munu. Ku-muvuadikaye ne tshilamba tshinefuke tshia ndanda. Kumuelaye bilengejilu bia mpawungi mu nshingu.

Mukanda wa Nzambi Dihungila Dikulukulu ne Dihungila Dihia-dihia 2003

⁴² Palô wakakohola kakanu ka tshimanyinu tshiandi tshifundahu ku munu wandi, wakakela ku munu wa Yosefe, wakamuluatshisha bilulu bia lin, wakamuela lukanu lua or mu nshingu muandi,

Genese 41:42 Referans Kwoze

Danyele 5:29

Diakamue Baltazare kutuma diyi bua bavuadike Daniyele bilamba bia lumu, bamuele mabue a tshiamu tshia mpawungi mu nshingu. Kumuvuijabu umue wa ku balombodi banene ba mu ditunga.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.

Estere 3:10

Ke mukalenga kukopola kakanu ka ku munu, kukapesha Amane muluishi wa bena Yuda, muana wa Amedata, wa ku ndelanganyi ya Agaje.

Danyele 5:16

Kadi mvua mumvue lumu luebe ne: wewe udi ne lungenyi lua kujingulula nshinga ne kumvuija malu masokome. Wewe mubale bualu budibu bafunde ebu, mubumvuije kabidi, nebakuvuadike bilamba bia lumu, bakuele mabue a tshiamu tshia mpawungi mu nshingu. Newikale umue wa ku balombodi banene ba mu ditunga.

Estere 8:2

Mukalenga kukopola kakanu ka ku munu ka bukalenga kavuaye munyenge Amane, kukapesha Mordekayi. Estere kabidi kupa Mordekayi mudimu wa kulama bintu bivua bia Amane.

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Estere 8:10

Mu mikanda ayi bavua bafunda dina dia mukalenga Ahashaveroshe, bayitue ne tshitampi ne kakanu kende ka ku munu. Kuyitumabu kudi babandi ba pa nyama ya tubalu tuvua mu bikumbi bia mu lubanza lua mukalenga.

Yezekiyele 27:7

Bavua batela bilamba bia buatu, ne buanda buimpe bua mitshi ya mu Ejipitu. Patshidi bantu kule, badi bamona mekala abi, bakumanya! Bilamba bifikuluke ne bikunze, bidi bifuma ku tshidiila tshia Shipre, bavua benza nabi nzubu ya wewe kuteka bintu biebe bia kupana.

Musambu wa Solomo 1:10

Tukanu mudi muele ku matshi ntulengeje matama ebe. Mabue a busanga mmalengeje nshingu webe.

Nsumuinu 31:24

Udi ukuma bilamba, ubipana, upanyisha bangenda mushinga mikaba ya mu tshimonu.

Nsumuinu 31:22

Udi ukuma biata bia kuteka panshi, uvuala bilamba bimpe bia buanda bua ndanda bukunzubile.

Estere 8:8

Kadi tshiena ne mushindu wa kukandika mukenji uvuabu bela mu dina dianyi, batue ne tshitampi tshidi ne kakanu kanyi. Kadi nuenu, nudi mua kufunda mikanda, kuleja bionsu bidi binulengelela bualu bua bena Yuda. Nudi mua kufunda dina dianyi ne kutua tshitampi tshidi ne kakanu kanyi.

Estere 3:12

Kubikidishabu bafundi ba malu a mukalenga, matuku dikumi ne asatu a ngondu wa kumpala. Bilondeshile muvua Amane mubambile, bafundi kufunda mikanda, kuyitumina bamienampala ba mukalenga, balombodi ba mu ditunga, ne bamfumu ba bisamba bishilangane. Mikanda ayi, bavua bayifunde mu mfundilu mishilangane ne mu miakulu mishilangane ivuabu bakula mu ditunga. Kufundabu dina dia mukalenga ne: ke udi muyifunde. Kutuabu tshitampi tshia kakanu ka mukalenga Ahashaveroshe.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Nsumuinu 1:9

Yoyi neikupe lumu bu nsala wa kalumbandi muasa ku mutu, nansha bu mabue a busanga adibu bela mu nshingu.

Estere 10:3

Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Genese 38:18

Yuda kumukonka ne: — Udi musue nkueyeka tshinyi? Tamare kumuambila ne: — Ungeyeke tshitampi tshiebe tshia mu nshingu, ne nshinga uudi mutshiela. Ungeyeke kabidi dikombu diebe. Yuda kumupesha bintu abi. Kumubuelelaye mu nzubu. Tamare kuimita difu.

Genese 41:43

Kumubandishaye mu ditempu divuabu babande amu kudi tshindonda tshiende. Bantu bavua banyema badianjidila kumpala kuende, bela mbila, bamba ne: “Mushilayi njila, apite”. Ke muvua Yozefe mupete bumfumu bua ditunga dijima dia bena Ejipitu nanku.

1 Samuele 18:4

Yonatane kuvula tshinkutu tshivuaye muvuale, kutshipesha Davide. Kumupeshaye kabidi bilamba biende bia mvita, muela wa mvita, buta bua miketa, ne mukaba uvuaye muvuale.

Misambu 73:6

Badi baditemba, bu bantu bela mabue a busanga. Tshinyangu ke tshiabu tshivualu tshidi tshibakumbanyina.

Musambu wa Solomo 4:9

Paudi untangila musangu amu umue, muoyi ukadi untuuta bikole munda. Muanetu wa bakaji, mubangila wanyi, meme mutangile nansha kakanu kamue ka tudi tulengeja nshingu webe, tuengelela, kadi kankuata kashidi, kambueja mu nzubu wa lukanu.

Yirmeya 52:33

Uvua mukandike bua Yoyakine kavuadi bilamba bia bena lukanu. Yoyakine uvua udiila mpindiewu anu ku mesa a mukalenga wa bena Babilone.

Yeshaya 3:23

mintumpu, mitelu mimpe, bitambala bia mu nshingu, ne bia ku mutu.