Genese 41:15 - MUKANDA WA MYIDI MUKULU

¹⁵ Mukalenga kuambila Yozefe ne: — Ndi mulote ndota. Kakuena muntu udi mua kuyinjinguluila. Kadi ndi mumvue ne: wewe udi mumanye mua kujingulula ndota.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Palô wakambila Yosefe ne, Nakalota tshiota ne kakuena muntu udi mua kutshinjinguluila, kadi nakunvua lumu hebe ne, Wewe haunvua tshiota tshia muntu, udi mua kumujinguluilatshi.

Genese 41:15 Referans Kwoze

Danyele 5:16

Kadi mvua mumvue lumu luebe ne: wewe udi ne lungenyi lua kujingulula nshinga ne kumvuija malu masokome. Wewe mubale bualu budibu bafunde ebu, mubumvuije kabidi, nebakuvuadike bilamba bia lumu, bakuele mabue a tshiamu tshia mpawungi mu nshingu. Newikale umue wa ku balombodi banene ba mu ditunga.

Danyele 5:12

Muntu awu udi ne lungenyi, ne meji a pa buawu a kujingulula nawu bilota, kujandula nshinga, ne kumvuija malu masokome. Babikile muntu awu. Ke Daniyele uvua mukalenga muinyike dina ne Beltashare. Yeye neajingulule mukalenga tshidibu bafunde etshi.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Genese 40:8

Kumuandamunabu ne: — Tudi balote bilota, kadi tudi bapange muaba ewu muntu udi mua kutujinguluilabi. Yozefe kubambila ne: — Mvidi Mukulu nkayende ke udi mumanye mua kujingulula bilota. Kadi ndondelayi munudi balote.

Genese 41:8

Butshia dinda, mukalenga kupampakana bikole bua bilota abi. Kubikidisha benji ba majimbu bonsu ne bena meji ba mu ditunga diende, ubawila bilota abi. Kadi kakuvua muntu nansha umue uvua mua kumujinguluila bilota abi to.

Danyele 2:3

Mukalenga kubambila ne: — Ndi mulote tshilota, tshinkuatshisha bowa. Ndi musue nungambile tshidi tshilota etshi tshiumvuija.

Danyele 4:9

Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Danyele 4:18

Mutshi awu wa mabeji mimpe uvua mukuame bimuma bia bungi, bivua bantu bonsu mua kudia kuukuta. Nyama ya mu mpata ivua ilala mu dileji diawu, nyunyi ivua mibake masua ayi mu matamba awu.

2 Kulondolola 26:5

Patshivua Zekarya, uvua mulongeshe Uziya mua kunemeka Mvidi Mukulu, ne muoyi, Uziya kuenza muende muonsu bua kumanya tshidi Maweja-Nangila Mvidi Mukulu musue. Mvidi Mukulu kumusankisha.

Danyele 5:14

Mvua mumvue lumu luebe, bamba ne: Wewe udi ne mueyelu wa mvidie, udi udianza kumona malu ne lungenyi ne meji a pa buawu.