Genese 4:15 - MUKANDA WA MYIDI MUKULU

¹⁵ Maweja-Nangila kumuandamuna ne: — Muntu kena ukushipa to. Muntu wakenzela bibi, nebamusombuele misangu muanda mutekete. Maweja-Nangila kuteka tshimanyinu pambidi pa Kayine bua muntu yonsu wasangila nende kamuenzedi bibi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yehowa wakamuambila ne, Muntu yonso udi ushiha Kana, nebamusombuele misangu muanda mutekete Yehowa wakalekela Kana tshimanyinu bua wamusangana kamushihi.

Genese 4:15 Referans Kwoze

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Genese 4:24

Eyowa, Kayine nebamusombuele misangu muanda mutekete. Kadi Lemeke nebamusombuele misangu makumi muanda mutekete.”

Didimanyisha 14:11

Muinshi wa kapia kadi kabakengesha udi ubanda mu diulu kashidi. Bonsu bavua bakukuile nyama ne tshimfuanyi tshiende, bavuabu batue tshitampi tshia dina diende, nansha butuku nansha mu munya kabena bapeta dikisha to.”

Didimanyisha 14:9

Mutumibue muisatu uvua ulonda babidi ba kumpala, wela diyi dikole ne: “Udi ukukuila nyama ne tshimfuanyi tshiende, wanyisha bua bamutue tshitampi tshiende pa mpala ne pa tshianza,

Matayi 26:52

Ke Yezu kumuamba ne: — Pingaja muele webe mu tshibubu. Bualu yonsu watula muele, neafue ku muele.

Osheya 1:4

Maweja-Nangila kuambila Osheya ne: “Muana awu, umuinyike ne: Yizreyele. Matuku makese aa, nennyoke ndelanganyi ya Yeku, bualu nkambua wabu Yeku, uvua mushipe bantu mu tshimenga tshia Yizreyele. Nenshipe bukalenga bua Izrayele.

Misambu 59:11

Mvidi Mukulu wanyi udi unnanga. Ke mudiye ungambuluisha, undeja mudi baluishi banyi babutuka bonsu.

1 Bakalenga 16:7

Maweja-Nangila uvua muambile muambi Yehu, muana wa Anani, bua amanyishe Basha ne bena nzubu malu aa, anu bua buenzayi buabu. Basha ne bena nzubu wende bavua benza bidi Maweja-Nangila ubenga, bualu bavua benza malu mabi anu bu muvua Yerobowame ne bena nzubu wende benza. Uvua mushipeshe kabidi ndelanganyi ya Yerobowame yonsu.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Lewitiki 26:24

meme panyi nennubenge. Nemvudije tshiakabidi dinyoka dienu misangu muanda mutekete.

Lewitiki 26:21

“Panudi anu numbenga kanuyi nungitaba, meme nemvudije kabidi makenga enu misangu muanda mutekete.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Nsumuinu 6:31

Kadi padibu bamukuata, udi ufuta bintu bipite bungi bua biwaye muibe. Neajimije bintu biende bionsu.