Genese 39:3 - MUKANDA WA MYIDI MUKULU

³ Potifare kujadika ne: Maweja-Nangila mmulame Yozefe, mmumututshishe diakalenga mu bionsu bivuaye wenza.

Mukanda wa Nzambi Dihungila Dikulukulu ne Dihungila Dihia-dihia 2003

³ Mukelenge wandi wakamona ne, Yehowa udi nʼandi, ne Yehowa wakadi mumuendeshe diakalengele mu tshianza tshiandi mu malu onso akenzeye.

Genese 39:3 Referans Kwoze

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Genese 30:27

Labane kuandamuna Yakobe ne: — Bu wewe musue, nteleja. Mbandeje munda muanyi ne: Maweja-Nangila mmungele lupemba amu bualu buebe.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

2 Kulondolola 26:5

Patshivua Zekarya, uvua mulongeshe Uziya mua kunemeka Mvidi Mukulu, ne muoyi, Uziya kuenza muende muonsu bua kumanya tshidi Maweja-Nangila Mvidi Mukulu musue. Mvidi Mukulu kumusankisha.

1 Samuele 18:14

Nanku, Davide uvua ne diakalenga mu midimu yonsu iwaye wenza, bualu Maweja-Nangila uvua umuambuluisha.

Genese 21:22

Matuku awu, Abimeleke ne Pikole, mulombodi wa bena mvita bende, kufika kudi Abrahame, bamuambila ne: — Mvidi Mukulu udi ukuambuluisha mu bionsu biudi wenza.

Genese 26:28

Abimeleke ne bavuaye nabu kuandamuna ne: — Tudi tukulonda bualu tudi bajadika ne: Maweja-Nangila udi nebe. Ke patuedi meji ne: mbimpe tumvuangane nebe, tutue ndondu.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.

1 Korente 16:2

Dia lumingu dionsu, yonsu wa kunudi ateke ku luseke tshitupa tshia makuta ende, bilondeshile bungi buvuaye mupete. Atshilame mu nzubu, bua diba dindi mfika, kaditatshishi bua kukeba makuta.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Nehemya 2:20

Meme kubandamuna ne: — Anu Mvidi Mukulu wamu diulu nkayende neatuambuluishe bua tuetu kutshimuna. Tuetu, bena mudimu bende, netuenze mudimu wa kuibakulula tshimenga. Kadi nuenu kanuena ne bualu muaba ewu to. Kanuena mua kupiana bintu mu Yerushalayime, kanuena mua kudiamu bumfumu, kanuena mua kutendamu bibidilu bia bankambua betu.

1 Kulondolola 22:13

Paudi unemeka, witaba kabidi meyi ende ne mikandu, bivuaye mupeshe Moshe bua kuambila bena Izrayele, newikale ne diakalenga mu bionsu biwenza. Wewe, kolesha muoyi, ikala ne dikima, kutshinyi, kuzakadi.

1 Samuele 18:28

Shawule mumane kujadika ne: Maweja-Nangila udi ne Davide bulelela, kabidi Mikale muananyi wa bakaji, mmunange Davide bikole,

Genese 39:23

Mulombodi wa balami ba bena lukanu awu katshivua ulondolola bionsu bivua kudi Yozefe to, bualu Maweja-Nangila uvua ne Yozefe, umutatshisha diakalenga mu bionsu bivuaye wenza.

Genese 30:30

Pamfikile muaba ewu mvua mukusangane ne bintu bikese. Kadi lelu udi ne bintu bia bungi. Maweja-Nangila mmukusankishe katshia mfika kuebe, bua mudimu onsu undi mukuenzele. Mpindiewu, ndi musue kuenzela bena diku dianyi mudimu.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 21:20

Mvidi Mukulu kulama muana awu bimpe. Kukolaye, kushalaye tshilembi tshia buta bua mbale tshia kalanda musenga. Kusombaye mu tshipela tshia Parane.

Genese 39:2

Maweja-Nangila uvua ne Yozefe, umututshisha diakalenga. Yozefe kusomba ku nzubu kua mfumuende, muena Ejipitu.

2 Bakalenga 18:7

Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

Genese 21:23

Nanku, uditshipe mpindiewu kumpala kua Mvidi Mukulu ne: tshiakuenzela Abimeleke, bana bende ne ndelanganyi yende bibi to. Kadi ungenzele meme, ne bena ditunga dianyi diudi usomba, bimpe mumvua mukuenzele.

Genese 39:21

Maweja-Nangila uvua mulame Yozefe bimpe, uvua mumutokele ku muoyi nansha muaba awu. Uvua umututshisha dikasa dimpe kudi mulombodi ba balami ba bena lukanu.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

1 Samuele 3:19

Samuwele kukola, Maweja-Nangila uvua amu nende. Bualu buonsu buvua Samuwele wamba mu dina dia Maweja-Nangila, Maweja-Nangila uvua amu ubukumbaja.

1 Kulondolola 9:20

Pinase, muana wa Elazare, ke uvua ubatangila kale mu mudimu awu, bualu Maweja-Nangila uvua nende.

2 Kulondolola 1:1

Shelomu, muana wa Davide, uvua mukoleshe bukalenga buende bimpe. Maweja-Nangila Mvidi Mukulu uvua umuambuluisha, bua ikale mukalenga wa lumu lunene.