Genese 39:14 - MUKANDA WA MYIDI MUKULU

¹⁴ kubikilaye bena mudimu bende bonsu, wela mbila, ubambila ne: — Luayi, numone muena Ebrewu, udi bayanyi muteke mu nzubu emu bua kuenza mudimu, udi musue kumpotela. Mmufike mu nzubu emu, munkuate bua ngikale mukajende. Kadi ngamueledi mbila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ mukashi wakela dî kudi balume ba mu nsubu wandi, wakabambila ne, Tangilai, mulume wanyi wakulua ne Muena Ebelu mu nsubu bualu bua kutufiusha bundu, wakabuela mu nsubu bua kulaleye banyi, ne meme nakuela di dianyi dikole.

Genese 39:14 Referans Kwoze

1 Petro 2:20

Kadi paudi umvua ne lutuulu mituutu idibu bakutuuta, bualu uvua muenze bibi, udi mua kupeta lumu anyi? Nanku paudi ukenga, ulama lutuulu, bualu uvua muenze bimpe, Mvidi Mukulu neakuele lupemba.

Luke 23:2

Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Matayi 26:59

Bamfumu ba batuangaji ne bena Tshipangu tshikulu bonsu, bavua bakeba bualu bua dishima bua kudingila Yezu, bua bamone mua kumufundila tshibawu tshia lufu.

Matayi 5:11

Padi bantu banupenda, banukengesha, nansha babenga bionsu binudi nuenza, amu bualu nudi balongi banyi, nudi bena diakalenga.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Nsumuinu 10:18

Muntu udi utekelangana lukinu mu musokoku, udi muena lubombu. Yonsu udi utumpilangana malu ku mesu a bantu, mmuntu mutshimbakane.

Misambu 120:3

Nuenu badi baditshipa mitshipu ya dishima, ndikenga kaayi dianukengesha Mvidi Mukulu?

Misambu 55:3

Unteleje, ungitabe. Makenga mmampite, tshiyi ne dikima!

Misambu 35:11

Bantu badi banjadikila malu a dishima. Badi bandumbuluisha bua malu andi tshiyi mumanye.

Genese 40:15

Mbangumushishe ku bukole kuetu ku bena Ebrewu. Mbamfikishe kunu, bangela mu nzubu wa lukanu, tshiyi ne bualu bundi muenze.

Genese 39:17

Kulondelaye bayende bualu abu, umuambila ne: “Mupika muena Ebrewu ewu, uudi muteke mu nzubu muetu, mmumpotele, mundenge pambidi, bua ngikale mukajende.

Genese 39:7

Mukaji wa Potifare umona mushindu uvua Yozefe, kumualakanaye bua kulala nende.

Genese 14:13

Muntu uvua munyeme mu mvita ayi, kuya kumanyisha Abrame, muena Ebrewu lumu alu. Abrame uvua muase pabuipi ne mitshi ya tshijila ya Mambre, muena Amore. Mambre ne bana babu Eshekole ne Anere bavua batue ndondu ne Abrame.

Genese 10:21

Sheme, mukulu wa Yefete, kulela bana. Udi nkambua wa bena Ebere bonsu.

2 Korente 6:8

Badi batuela kalumbandi, batujana. Badi batupenda, batupa lumu. Badi batutangila bu bena dishima, bitaba bitudi tuamba ne: mbilelela.

Yezekiyele 22:5

Ukadi ne lumu lubi. Ditunga diebe ndia tshimvundu. Matunga adi kule ne matunga adi pabuipi neakuseke.

Genese 39:13

Mukaji umona Yozefe upatuka pa mbelu, umushiya ne muntumpu mu bianza,

Genese 39:15

Diba diumvuye ngela mbila nnubikila, wapatuku lubilu, kushiya ne muntumpu wende panshi, muaba undi ewu.