Genese 39:12 - MUKANDA WA MYIDI MUKULU

¹² Mukaji wa Potifare kumukuata mu muntumpu, umuambila ne: — Ndi musue, ungangate. Kadi Yozefe kunyema lubilu, kupatuka pa mbelu, kumushiya ne muntumpu mu bianza.

Mukanda wa Nzambi Dihungila Dikulukulu ne Dihungila Dihia-dihia 2003

¹² yeye wakamukuata ku tshivualu tshiandi, wakamuambila ne, Ulale nʼanyi, ne yeye wakashiya tshivualu tshiandi mu tshianza tshiandi, wakanyema, wakahatuka.

Genese 39:12 Referans Kwoze

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

Muambi 7:26

Ndi mumone ne: mukaji udi uteya bantu mmupite lufu ku bululu. Dinanga diende didi bu bukondu. Maboku ende adi akusuika bu nkanu. Muntu udi wenza tshidi Mvidi Mukulu musue, udi upanduka kudi mukaji ewu. Kadi muenji wa bibi nebamukuate kudi mukaji ewu.

Nsumuinu 6:5

Utuke mudi kabuluku kabafuka mu buteyi, nansha mudi nyunyi utuka ku budimbu.

Nsumuinu 5:8

Umbuka kudi mukaji wa mushindu ewu. Kusemenyi nansha pamue ne mushiku wa nzubu wende to.

1 Korente 15:33

Kanudishimi: “Panudi nuenda ne balunda babi, nenunyanguke.”

Genese 39:10

Mukaji awu uvua utatshisha amu kutatshisha Yozefe matuku onsu, umusengelela bua ashale bayende. Kadi Yozefe uvua ubenga amu kubenga kashidi.

Genese 39:8

Yozefe kubenga kashidi, umuambila ne: — Mfumuanyi mmunteke mulombodi wa bintu biende bionsu. Udi munnange.

Nsumuinu 1:15

Muananyi, kuendakanyi ne bantu ba mushindu ewu to. Umbuka mu njila yabu.

1 Samuele 15:27

Samuwele kukudimuka bua kumuka. Kadi Shawule kumukuata kuinshi kua tshinkutu tshivuaye muvuale. Tshinkutu kupandika.

Genese 39:11

Dituku dikuabu Yozefe uvua ubuela mu nzubu bua kuenza mudimu wende. Kamuvua muena mudimu mukuabu to.

Genese 39:13

Mukaji umona Yozefe upatuka pa mbelu, umushiya ne muntumpu mu bianza,

2 Samuele 13:11

Pavua Tamare umupesha mikata ayi bua kudia, Amnone kukuata Tamare, umuambila ne: — Tamare wetu, luaku tulale nebe.