Genese 39:10 - MUKANDA WA MYIDI MUKULU

¹⁰ Mukaji awu uvua utatshisha amu kutatshisha Yozefe matuku onsu, umusengelela bua ashale bayende. Kadi Yozefe uvua ubenga amu kubenga kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye wakadi wambila Yosefe bualu ebu ku dituku ku dituku, kadi yeye kakamunvuila bua kulaleye nʼandi, anyi bua kushala nʼandi.

Genese 39:10 Referans Kwoze

Genese 39:8

Yozefe kubenga kashidi, umuambila ne: — Mfumuanyi mmunteke mulombodi wa bintu biende bionsu. Udi munnange.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

1 Tesalonike 5:22

Bengayi malu mabi a mishindu yonsu.

1 Korente 15:33

Kanudishimi: “Panudi nuenda ne balunda babi, nenunyanguke.”

1 Korente 6:18

Epukayi malu a bundu! Bubi bukuabu buonsu budi muntu wenza, kabuena bukuata mubidi wende to. Kadi udi wenza malu a bundu, udi unyanga mubidi wende.

Nsumuinu 23:27

Wamanya ne: mukaji muena tshiendenda ne mukaji wa bende badi bakukebela njiwu bu mudi tshiina tshile tshibulakane.

Nsumuinu 22:14

Miaku ya lubombu ya bakaji bena buendenda, mbuteyi budi bukuatshisha bowa. Badi baponamu kudi muntu udi Maweja-Nangila mudiwule.

Nsumuinu 7:5

Nebikuepule kudi mukaji muena buendenda, ne ku miaku ya lubombu ya mukaji wa bende.

Nsumuinu 5:8

Umbuka kudi mukaji wa mushindu ewu. Kusemenyi nansha pamue ne mushiku wa nzubu wende to.

Nsumuinu 5:3

Miaku ya mukaji muena buendenda idi bu buitshi. Mukana muende mmupite mafuta ku busenu.

Nsumuinu 2:16

Kadi meji ne lungenyi nebikuepule, ku miaku ya lubombu ya mukaji udi kayi webe,

Nsumuinu 1:15

Muananyi, kuendakanyi ne bantu ba mushindu ewu to. Umbuka mu njila yabu.

Nsumuinu 9:16

“Nuenu, batshimbakane, semenayi apa!” Udi wambila badi kabayi ne lungenyi ne:

Nsumuinu 9:14

Udi usomba kumpala kua nzubu wende, nansha pa nkuasa mu bisalu bia mu tshimenga.

Nsumuinu 7:13

Nanku kuimanyikaye nsongalume bua kuyukila nende. Kumuelaye mu tshitupa, umutangila ne mesu malengula, wamba ne:

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Genese 39:11

Dituku dikuabu Yozefe uvua ubuela mu nzubu bua kuenza mudimu wende. Kamuvua muena mudimu mukuabu to.

Nsumuinu 23:28

Badi balaminangana mu njila bu mudi bivi benza. Bakadi bamane kupambula bantu bapite bungi.