Genese 36:7 - MUKANDA WA MYIDI MUKULU

⁷ Bualu bonsu babidi bavua ne bintu bipite bungi. Nanku kabavua mua kusomba muaba umue to. Ditunga dia Kenaane divua dikese. Kadivua dikumbane mua kudisha bimuna biabu bonsu babidi to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua bintu biabo biakatamba bia bungi kabakamanya mua kushikama kaba kamue, ne buloba buakadibo bashikame buakadi bukese bualu bua bungi bua bimuna biabo.

Genese 36:7 Referans Kwoze

Genese 13:6

Bua bungi bua bimuna bivuabu nabi, mpata awu kavua mukumbane bua Abrame ne Lote kusomba kaba kamue to.

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 28:4

Mvidi Mukulu akuele wewe ne ndelanganyi yebe lupemba, muvuaye muele Abrahame, bua ditunga diudi usomba bu muenyi edi, didi Mvidi Mukulu mupeshe Abrahame, dishale diebe.

Ebrewu 11:9

Amu bua ditaba, kusombaye bu muenyi mu ditunga divua Mvidi Mukulu mumulaye. Kusombaye mu nzubu ya ntenta ne Izake kabidi ne Yakobe, bavua bapeta dilaya dia momumue kudi Mvidi Mukulu.

Genese 13:11

Lote kusungula mpata ayi, kuya luseke ludi diba dipatukila. Kupandulukabu ne Abrame.

1 Kulondolola 29:15

Katuena ne diyi dia kuamba kumpala kuebe nansha. Tudi anu bu benyi ne bena luendu, bu muvua bankambua betu. Matuku atudi tusomba pa buloba adi apita bu mundidimbi, katuyi ne ditalala.

Misambu 39:12

Paudi unyoka muntu bua bilema biende, udi umulengeja. Kadi udi umusha bionsu bidi muntu unanga, bu mudi tshishi tshidia tshimuma. Bushuwa, muntu udi amu bu lupepele.

Yirmeya 35:7

Kanuena mua kuenza nzubu to. Kanuena mua kudima madimi to. Kanuena mua kukuna mionji ya mvinyo to. Kanuena mua kuikala nabi to. Kadi nusombe mu nzubu ya ntenta matuku onsu anudi ne muoyi panu. Nanku nenulale matuku mavule, mu ditunga didi kadiyi dienu.