Genese 34:2 - MUKANDA WA MYIDI MUKULU

² Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

Mukanda wa Nzambi Dihungila Dikulukulu ne Dihungila Dihia-dihia 2003

² Shekeme muana mulume wa Hamo, Muena Hiwi, mukelenge muana wa buloba, wakamutangila wakamukuata, wakalala nʼandi, wakamufuisha bundu.

Genese 34:2 Referans Kwoze

Yobe 31:9

Pangikala mualakane mukaji wa muena mutumba, mumutentekela, nansha musokome pambelu ku tshiibi tshiende,

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Yobe 31:1

Meme ne: tshiena mua kutangila nsongakaji, nansha kumualakana.

Balombodi 14:1

Dituku dikuabu, Shimeshone kuya mu Timna. Kumonayemu nsongakaji wa bena Peleshete.

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

Dielulula 22:29

mulume neafute tatuende wa nsongakaji tshibawu tshia nkanu makumi atanu ya tshiamu tshitoke tshia mushinga mukole. Pashishe neangate mukaji kashidi, too ne muafuaye, kayi mua kumubenga musangu nansha umue to. Bualu uvua mumubuelele mu nzubu ku bukole.

Dielulula 22:24

nubimanyike bonsu babidi ku tshiibi tshia tshimenga, nubase mabue, nubashipe. Bualu mbenze bualu ebu mu tshimenga, kadi nsongakaji kena muele mbila, kena mubikile bantu. Nsongalume pende mmukuate nsongakaji, mumane kubangila awu, ku bukole, mumubuelele mu nzubu. Ke munudi mua kujikija buenzayi munkatshi muenu nanku.

Dielulula 21:14

Kadi pikala mulume, matuku mamane kupita, umona ne: mukaji katshiena kabidi unsankisha, nansha undengelela, udi mua kumulekela, bua aye kudiye musue. Kena mua kumusumbisha, nansha kumulama bu mupika, bualu uvua mukajende.

Genese 33:19

Yakobe kusumba muaba uvuaye muase ntenta wende, kudi bana ba Amore, muashi wa tshimenga atshi, ku mushinga wa nkanu lukama ya tshiamu tshitoke tshia mushinga mukole.

Genese 20:2

Kadi bu muvua Abrahame muambile bantu ne: Sara mmuanetu wa bakaji Abimeleke, mukalenga wa bena Ngerare, kuangata Sara bua ikale mukajende.

Genese 10:17

bena Ivi, bena Arki, bena Sini,

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

Genese 34:3

Kadi Shekeme kunanga Diina bikole, kumuambila malu onsu avua munda muende, bua atekeshe muoyi wende.

Genese 34:30

Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

Balombodi 9:28

Ngaale kubakonka ne: — Tuetu mu Shekeme, tudi bantu ba mushindu kaayi? Tudi baditeke ku bumfumu bua Abimeleke bua tshinyi? Abimeleke mene nnganyi? Udi anu muana wa Yerubaale! Mmuteke Zebule mulombodi wa tshimenga. Kadi nuenu bena Shekeme, nuitabe anu Amore uvua muase tshimenga tshia Shekeme! Katuena ne bualu butudi banangile Abimeleke to.

Genese 34:27

Bana bakuabu ba Yakobe, kupawulabu bintu bionsu bivua pa bitalu nansha mu tshimenga! Bualu nsongalume wa mu tshimenga atshi uvua mubafuishe bundu, mubuelele muanabu wa bakaji mu nzubu ku bukole.

Yoshua 9:7

Bena Izrayele kubandamuna ne: — Misangu mikuabu nudi bena mutumba. Nanku katuena mua kutua nenu ndondu to.

2 Samuele 11:4

Davide kutuma bantu bua babikile mukaji awu. Mukaji mumane kufika, Davide kumubuelela mu nzubu! Pashishe, mukaji kupingana ku nzubu kuende. Kadi mukaji awu, utshivua umukilaku ku dijikija mikiya ya tshijila tshia bakaji.

2 Samuele 13:14

Amnone kubenga bionsu abi, kutekesha Tamare, kulala nende ku bukole.