Genese 33:11 - MUKANDA WA MYIDI MUKULU

¹¹ Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ndi nkutendekena ne, Witabushe matabisha anakulua nʼau kudi, bualu bua Nzambi wakungenzela bimpe ne meme ndi ne bintu bikumbane kabidi. Wakananukila kumusengelela ne yeye wakângata.

Genese 33:11 Referans Kwoze

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

1 Samuele 25:27

Angata bintu bia disanka bindi mukutuadile, ubiabanyine bansongalume baudi nabu.

2 Bakalenga 5:23

Namane kumuambila ne: — Anyisha bua kuangata biamu bitoke bia mushinga mukole kilo makumi asambombu. Namane kusengelela Ngeyazi bua kuangata bintu abi. Namane kuela tshiamu tshitoke tshia mushinga mukole atshi mu bibombi bibidi, kusuika bibombi abi. Kulongololaye kabidi bilamba bibidi bimpe bia kuvuala. Kupeshaye bena mudimu bende babidi bintu bionsu abi bua baye kushindikija Ngeyazi.

Genese 33:9

Esawu kuambila Yakobe ne: — Muakunyanyi, ndi ne bintu bikumbane. Shala ne biebe ebi.

Genese 30:43

Yakobe kupeta bubanji bua bungi. Uvua ne bapika balume ne bakaji, bimuna bipite bungi, tumelu ne mpunde kabidi.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

1 Korente 3:21

Nanku muntu kena ne bua kuditemba bua balongeshi bende. Bualu bionsu mbienu:

Luke 14:23

Ke mfumu kuambila muena mudimu wende ne: “Uye mu njila ya ku ntshiama, ku mielelu ya mpangu, wenzeje bantu ku bukole, bua babuele mu nzubu wanyi, uwule tente.

2 Bakalenga 2:17

Kadi, bantu ba mu tshisumbu tshia bambi abu, kusuminyina Elisha bikole. Nanku, kuitabaye. Kutumabu bantu abu makumi atanu. Kukebabu Eliya matuku asatu. Kabena bamumona to.

1 Samuele 30:26

Davide upingana mu tshimenga tshia Siklaje, kutuminaye balunda bende, ne bakulu ba bena Yuda, bintu bia mu mvita. Kubambilaye ne: “Angatayi bintu bia disanka abi, mbitudi banyenga baluishi ba Maweja-Nangila.”

Balombodi 1:15

Aksa kuandamuna ne: — Unsankishe, umpeshe mpokolu ya mayi, bualu buloba bua kuinshi mu ditunga buudi mumpeshe, kabuena ne mayi to. Kalebe kumupesha mpokolu ya mayi yonsu, ne ivua kuinshi, ne ivua ku mutu.

Yoshua 15:19

Aksa kuandamuna ne: — Ungenzele tshindi nkulomba etshi: umpeshe mpokolu ya mayi, bualu buloba bua kuinshi mu ditunga buudi mumpeshe kabuena ne mayi to, mbuume. Kalebe kumupesha mpokolu ya mayi ivua ku mutu, ne ivua kuinshi mu buloba buabu.

Genese 33:10

Yakobe kutendakena Esawu ne: — Bu wewe musue, umfuile luse. Angata mulambu undi mukutuadile ewu, bua kujadika muudi mumane kumfuila luse. Kabidi pandi nkutangila, ndi bu mumone Mvidi Mukulu wanyi bua luse lunene luudi mumfuile.

Genese 33:12

Esawu kuambila Yakobe ne: — Jukayi tuye. Netuende nebe.

Genese 32:21

numuambile ne: “Muena mudimu webe Yakobe udi ulonda panyima apa.” Yakobe uvua udiabakena ne: “Bintu bindi mutume ebi, mbua kutuyisha tshiji tshia mukuluanyi Esawu. Nanku patuikala mua kumonangana nende, misangu mikuabu udi mua kungakidila ne disanka.”