Genese 32:24 - MUKANDA WA MYIDI MUKULU

²⁴ Kusabulaye ne bintu bionsu bivuaye nabi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yakoba wakashala ku nyima nkayandi muntu wakaluangana nʼandi bibula to ne hakatshia butuku.

Genese 32:24 Referans Kwoze

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Luke 13:24

Enzayi muenu muonsu bua nubuele ku tshiibi tshibulakane. Bualu ndi nnujadikila ne: bantu ba bungi nebakebe kubuela, kadi kabakubuela to.

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

Genese 30:8

Rakele kuamba ne: — Ndi muluangane mvita mikole ne mukuluanyi wa bakaji. Kadi mbamupitshi bukole. Rakele kuinyika muana awu dina ne: Naftali.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Musambu wa Solomo 2:17

Ku dilolu padi panshi patalala, kuisu kutuadija kufiika, neupingane kundi, munanga wanyi. Unyeme lubilu bu kabuluku, nansha bu ngulungu muana, udi usomba mu mikuna mipanduluke.

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

Rome 15:30

Kadi, bana hetu, ndi nnulomba ne: mu dina dia Mfumu wetu Yezu Kristu, ne ku bukole bua dinanga didi Mueyelu wa Tshijila utupa: luanganayi nanyi. Nutendelele, nundombele kudi Mvidi Mukulu.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Ekesode 14:27

Moshe kuolola tshianza pa mayi. Patshiatshia mayi kupingana muawu mua kale. Bena Ejipitu kunyema. Kadi Maweja-Nangila kubabutula bonsu munkatshi mua mayi.

Genese 18:2

Abrahame ukenzakana, kumona bantu balume basatu bimane pabuipi nende. Kujukaye lubilu bua kubakidila. Kuinyikaye mutu panshi.

Genese 32:23

Butuku abu, Yakobe ubika, kuangataye bakaji bende babidi, ne bana bende dikumi ne umue. Kubasabulaye musulu wa Yaboke ku dilobu.

Genese 32:25

Yakobe kushala nkayende dishiya. Muntu kampande kuluangana nende mvita too ne muatshi butuku.

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Danyele 10:8

Meme kushala nkayanyi, ntangila bualu abu bua dikema, buvua Mvidi Mukulu undeja. Kadi meme kupanga bukole diba adi. Mpala wanyi kukudimuka, kutokoloka. Meme kujimija bukole buanyi buonsu.