Genese 3:18 - MUKANDA WA MYIDI MUKULU

¹⁸ Buloba nebukumenene meba ne mingonga. Neudie bisekiseki bia mu lupangu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ buloba nebukumeneshile meba ne tusokola, neudie midioko ya mu budimi,

Genese 3:18 Referans Kwoze

Matayi 13:7

Minga ntete kumata mu mitshi ya meba. Mitshi ya meba ayi kubanda, kukulakaja mitshi mimpe.

Yeshaya 7:23

Dituku adi kabidi, budimi buvua ne mionji ya mvinyo tshinunu, buvuabu mua kupana ku nkanu mitoke ya mushinga mukole tshinunu, nebushale amu meba ne mingonga.

Yobe 5:5

Bivuaye mupete babidie kudi bantu bakuabu. Nansha yeye muele mpangu meba, bamunyenge bia mu madimi ende, badi ne lukuka badie bia pa madimi ende bionsu.”

Ebrewu 6:8

Kadi padibu bumenesha meba ne mingonga, budi bua tshianana. Mvidi Mukulu neabuele mulawu, ku nshikidilu neabuoshe.

Yirmeya 4:3

Maweja-Nangila udi wambila bena Yuda ne bena Yerushalayime ne: Nudime budimi bupiabupia, kanukunyi biakudia mu meba.

Yeshaya 32:13

Dilayi bua buloba bua bantu banyi, budi bunyanga kudi meba ne tshisuku. Dilayi, bualu disanka ndimane kumuka mu nzubu yenu yonsu. Musangelu kawena kabidi mu tshimenga to.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Nsumuinu 22:5

Meba ne mateyi bidi mu njila wa bena buenzayi. Udi musue kulala panu udi ubiepuka.

Yobe 31:40

Eyi, padibi nanku, mitshi ya meba ne bisosa bia tshianana, bimene mu madimi anyi, pa muaba wa ntete ya kuenza bukula ya mishindu mishilangane. Ke muvua miaku ya ndekelu ya Yobe nanku.

Yoshua 23:13

mimanye ne: Maweja-Nangila neanulekele. Kakutungunuka ne dipata baluishi badi kumpala kuenu to. Baluishi abu, nebikale kunudi bu buteyi ne dijimba. Nebanukengeshe bu mudi mfimbu mutuute panyima, nansha bu mudi meba matue mu mesu. Ku nshikidilu nenubutuke bonsu mu ditunga edi dimpe, didi Maweja-Nangila Mvidi Mukulu wenu mumane kunupa.

Yirmeya 12:13

Nuenu kumiamina ntete ya kuenza bukula, kadi nudi nunowa amu meba ne mingonga. Nuvua batate bikole, kadi kanuakupeta nansha kantu. Nudi nufua bundu, nuzakala! Binuvua mua kunowa bidi binyanguke, bua tshiji tshikole tshimvua natshi.

Nsumuinu 24:31

buvua bumena buonsu meba a mingonga ne lupela. Bimana bia lupangu bivua biupuke panshi!

Misambu 104:2

Udi muvuale butoke bu tshinkutu, udi muadije diulu bu ntenta.

Misambu 90:3

Udi upingaja bantu mu lupuishi, ubambila ne: “Pinganayi kunudi bafuma.”

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Rome 14:2

Tudi mua kuteka tshilejilu: muntu mukuabu udi witaba ne: ndi mua kudia tshintu tshionsu. Kadi mukuabu, udi mutekete mu ditaba, udi udia amu bisakisaki.

Genese 3:17

Pashishe Maweja-Nangila Mvidi Mukulu kuambila mulume ne: — Bua pawitabi diyi dia mukajebe, wewe kudia tshimuma tshimvua mukukandike, ndi ntshipa buloba bua tshilema tshiuvua muenze. Tshiakudia tshiebe neutshipete anu pawenza mudimu mukole matuku onsu audi ne muoyi pa buloba.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Yeshaya 7:24

Nanku nebabuelemu ne mata ne mikete, bua kuta nyama. Bushuwa, ditunga dijima nedikale amu meba ne mingonga.