Genese 29:6 - MUKANDA WA MYIDI MUKULU

⁶ Yakobe kubakonka kabidi ne: — Labane udi bimpe anyi? Bobu kuandamuna ne: — Ee, udi bimpe. Pashishe kuambilabu Yakobe ne: — Tangila udi uvua ne bimuna wawa, ke muanende wa bakaji Rakele.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakabebesha ne, Yeye udi ne bukole, anyi? Bobo bakamuitaba ne, E, yeye udi ne bukole, ne tangila, muanʼandi wa bakashi, Lakele, ulualua ne mikoko.

Genese 29:6 Referans Kwoze

2 Samuele 20:9

Yowabe kuebeja Amasha ne: — Muanetu udi munyi? Kukuataye Amasha ku muedi ne tshianza tshia balume bua kumupukila.

1 Samuele 25:5

Davide kutuma bantu bende dikumi, kudi Nabale, ubambile ne: — Nuye ku Karmele, kua Nabale, numungelele muoyi.

1 Samuele 17:22

Davide kushiya bintu bivuaye nabi kudi muntu uvua ulama bintu bionsu. Kuyaye lukasa muaba uvua bena mvita. Kusanganaye bana babu, kubelaye muoyi.

Ekesode 18:7

Moshe kuya kuakidila tatuende muenu, kutua binu panshi kumupukila. Kuelanganabu muoyi bakoleshangana. Pashishe Moshe kubabueja mu ntenta.

Genese 43:27

Yozefe kubakonka ne: — Nudi ne bukole bua mubidi anyi? Tatuenu unuvua bangambile ne: utshidi ne muoyi, udi bimpe anyi? Utshidipu anyi?

Genese 37:14

Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

Genese 29:7

Yakobe kubambila kabidi ne: — Diba ditshidiku! Dia kusangisha bimuna muaba umue kadiena dianji kukumbana. Nuishayi bimuna mayi. Nuye kubidisha kabidi mu mpata.

Ekesode 2:16

Mu Madiyane muvua mutuangaji Yetro ne bana bende ba bakaji muanda mutekete. Dituku adi bana ba bakaji abu kupueka bua kusuna mayi a kuela mu luvu bua kunuisha bimuna bia tatuabu.