Genese 27:14 - MUKANDA WA MYIDI MUKULU

¹⁴ Yakobe kutuadila mamuende mbuji ayi. Rebeka kulambila Izake tshiakudia tshimpe tshivuaye musue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakaya, wakalua nʼai kudi mamuʼandi, ne mamuʼandi wakalamba munyinyi muimpe wa dihembu bu muakasua tatuʼandi.

Genese 27:14 Referans Kwoze

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Misambu 141:4

Unkandike bua tshiyi kuamba miaku mibi, nansha kuenza bualu bubi, tshiyi kuidikija bantu badi benzela bakuabu bibi. Undame tshiyi kudia nansha tshiakudia tshidibu banange.

Genese 27:31

Esawu kulambila tatuende biakudia, kumutuadila, wamba ne: — Tatu, ndi nkusengelela ne: juka, somba, udie munyinyi undi mukulambile, bua ungele lupemba.

Genese 27:17

Pashishe Rebeka kupesha Yakobe mampa ne munyinyi uvuaye mulambe.

Genese 27:9

Ntuadile mbuji ibidi mimpe ya nkungulu, bua ndambile tatuebe munyinyi mushindu udiye musue.

Genese 27:7

“Uye mu dikeba, unshipele nyama. Undambile mushindu undi munange. Umpeshe bua meme kudia. Pashishe nenkuele lupemba kumpala kua Maweja-Nangila, tshiyi muanji kunushiya.”

Genese 27:4

Undambile nyama mushindu undi munange. Umpeshe bua meme kudia. Pashishe nenkuele lupemba, tshiyi muanji kukushiya.

Genese 25:28

Izake uvua mutambe kunanga Esawu, bualu uvua munange bikole munyinyi wa nyama ya mu tshisuku. Kadi Rebeka uvua mupite kunemenena anu kudi Yakobe.

Genese 27:13

Mamuende Rebeka kumuandamuna ne: — Muananyi, mulawu awu unkuate meme. Wewe enza anu tshindi mukuambile. Ntuadile mbuji ibidi mimpe ya nkungulu.

Genese 27:15

Rebeka kuangata kabidi bilamba bia Esawu muanabute bivua mu nzubu, kubivuadika Yakobe, muana muakunyi.