Genese 26:28 - MUKANDA WA MYIDI MUKULU

²⁸ Abimeleke ne bavuaye nabu kuandamuna ne: — Tudi tukulonda bualu tudi bajadika ne: Maweja-Nangila udi nebe. Ke patuedi meji ne: mbimpe tumvuangane nebe, tutue ndondu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bobo bakamba ne, Bulelela, tuakutangila ne Yehowa udi nʼebe, nunku tuakuambilangana ne, Tutshihangane nʼebe, tuhunge nʼebe tshihungidi,

Genese 26:28 Referans Kwoze

Yeshaya 61:9

Nebamanye ndelanganyi yenu miaba yonsu, mu matunga onsu. Bantu bonsu badi babamona, nebamanye ne: ke bantu badi Maweja-Nangila muele lupemba.

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yoshua 3:7

Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

Genese 39:5

Amu bualu bua Yozefe, Maweja-Nangila kututshisha muena Ejipitu diakalenga. Diakalenga edi kumueneka mu bintu biende bionsu, ne mu nzubu wende ne mu madimi ende.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

2 Kulondolola 1:1

Shelomu, muana wa Davide, uvua mukoleshe bukalenga buende bimpe. Maweja-Nangila Mvidi Mukulu uvua umuambuluisha, bua ikale mukalenga wa lumu lunene.

Genese 24:41

Kadi pikala bena dianyi babenga, diditshipa diebe kadiena dikuenzela bualu to, bualu diba adi kadiena dikukuata kabidi to.”

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Genese 31:44

nanku tuetu nebe tutue ndondu. Muntu ajadike bitudi tuenza ebi.

Genese 39:3

Potifare kujadika ne: Maweja-Nangila mmulame Yozefe, mmumututshishe diakalenga mu bionsu bivuaye wenza.

1 Samuele 11:1

Nakashe, mukalenga wa bena Amone, kuluisha tshimenga tshia Yabeshe tshivua mu Ngilaade. Bena Yabeshe kuambila Nakashe ne: — Utue netu ndondu. Tudi basue kushala bantu bebe.

1 Samuele 18:28

Shawule mumane kujadika ne: Maweja-Nangila udi ne Davide bulelela, kabidi Mikale muananyi wa bakaji, mmunange Davide bikole,

2 Kulondolola 15:9

Bena Izrayele ba bungi ba mu bisamba bia Efrayime, Menashe ne Shimeyone, kulamatabu mukalenga Asa. Kusombabu mu bukalenga buende, katshia bamone ne: Mvidi Mukulu uvua nende. Mukalenga Asa kubabikidisha mu bisangilu, pamue ne bena tshisamba tshia Yuda ne tshia Binyamine bonsu.