Genese 26:18 - MUKANDA WA MYIDI MUKULU

¹⁸ Izake kumbulula kabidi biina bia mayi, bivua tatuende Abrahame mumbule, patshivuaye ne muoyi, bivuabu bajibikile kudi bena Peleshete kunyima kua lufu luende. Izake kubinyika mena abi a kale, avua Abrahame mubinyike.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Isaka wakumbula kabidi mena a mai akimbabo mu matuku a tatu wandi Abalahama, bualu bua Bena Peleshete bakelamu buloba bakafua Abalahama, Isaka wakayidika mena akidika Abalahama.

Genese 26:18 Referans Kwoze

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Osheya 2:17

Neandonde mu tshipela ne disanka, bu tshikondu tshivuaye nsongakaji, tshivuaye mupatuke mu Ejipitu. Netupingane nende mu Izrayele. Nemmupingajile mionji yende ya mvinyo. Tshibandabanda tshibi tshia Akore, netshiandamuke tshiibi tshidi tshimuleja ditekemena.

Misambu 16:4

Bonsu badi bakeba bua mvidie mikuabu ibambuluishe, badi badikebela makenga. Mvidie eyi tshiena nyilambula milambu ya nyama, tshiena nansha ntela mena ayi.

Dibadika 32:38

Nebo, Baale-Meyone, bivuabu bamane kukudimuna dina. Pashishe kuasabu kabidi Sibma. Bimenga bikuabu bivuabu base, kubinyikabu mena mapiamapia.

Genese 21:31

Nanku kuinyikabu muaba awu ne: Bersheba, bualu bonsu babidi bavua batuilapu ndondu ne mutshipu.

Genese 21:25

Kadi, Abrahame kuela Abimeleke lusanzu bua tshiina tshia mayi tshivua bena mudimu bende bakandamana natshi.

Genese 26:17

Izake kuya kusomba mu tshibandabanda tshia Ngerare.

Genese 26:19

Dimue dituku, bena mudimu ba Izake kumbula tshiina mu tshibandabanda. Kupetabu mayi a mpokolu.

2 Kulondolola 26:10

Uvua muibake kabidi ne bibumba bia batentekedi mu buloba bua mu tshipela. Uvua mumbule bina bia mayi bia bungi, bualu uvua ne bimuna bivule ku muelelu wa Mayi manene, ne mu mpata. Uvua kabidi ne babidime, ne bena mudimu ba mitshi ya mvinyo pa mikuna, ne mu madimi a mvinyo, bualu uvua mupite kunanga didima.

Genese 21:30

Abrahame kuandamuna ne: — Ndi nkupa bana ba mikoku aba muanda mutekete bua bakuvuluije ne: uvua mumbule tshiina tshia mayi etshi ngAbrahame!