Genese 26:12 - MUKANDA WA MYIDI MUKULU

¹² Tshidimu atshi, Izake kukuna biakudia mu ditunga adi. Maweja-Nangila kumusankisha. Izake kupeta bintu bipite bungi. Pa tshintu tshimue tshivuaye mukune, kupetaye lukama.

Mukanda wa Nzambi Dihungila Dikulukulu ne Dihungila Dihia-dihia 2003

¹² Isaka wakakuna bintu mu buloba abu, ne tshidimu atshi wakahuola lukama lukama, Yehowa wakamusankisha.

Genese 26:12 Referans Kwoze

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Marke 4:8

Kadi ntete mikuabu kumata mu buloba buimpe. Bisekiseki kutolokabi, kukola, kuela miepu: mikuabu ivua ne miepu ya ntete makumi asatu, mikuabu makumi asambombu ne minga lukama.

Muambi 11:6

Ke paudi mua kukuna dinda too ne dilolu kuyi wikisha. Bualu kuena mumanye kuwapetela tshintu, nansha ku mudimu wa dinda nansha wa dilolu, nansha ku yonsu ibidi.

Misambu 67:6

Mvidi Mukulu, bukua panu bukutumbishe! Bisamba bionsu bikuele tuasakidila!

Genese 24:35

Mfumuanyi Abrahame mmupete diakalenga. Maweja-Nangila mmumunemeshe ne bintu bia bungi: ke mikoku, ngombe, mbuji, tumelu, mpunde, biamu bitoke bia mushinga mukole, biamu bia mpawungi, ne bapika balume ne bakaji.

Genese 24:1

Abrahame kukola kukulakaja. Maweja-Nangila uvua anu mumuele lupemba mu malu onsu.

1 Korente 3:6

Mvua mukune maminu, Apolose kuamiamina mayi. Kadi Mvidi Mukulu ke udi wamenesha.

Zekâya 8:12

Nentume ditalala mu buloba: mionji ya nwinyo neikuame tumuma, buloba nebumene biakudia, mvula neyiloke ya bungi. Bantu banyi badi bashale ne muoyi, nembapeteshe bintu ebi bionsu.

Yobe 42:12

Maweja-Nangila kuela Yobe lupemba, kupitaye ne muvuaye kale. Yobe kupeta mikoku binunu dikumi ne binayi, tumelu binunu bisambombu, ngombe milume ne mikaji tshinunu ne mpunde mikaji tshinunu.

Genese 30:30

Pamfikile muaba ewu mvua mukusangane ne bintu bikese. Kadi lelu udi ne bintu bia bungi. Maweja-Nangila mmukusankishe katshia mfika kuebe, bua mudimu onsu undi mukuenzele. Mpindiewu, ndi musue kuenzela bena diku dianyi mudimu.

Matayi 13:8

Kadi minga ntete kumata mu buloba buimpe, kukuama miepu, eyi ne ntete lukama, mikuabu ne ntete makumi asambombu, minga eyi ne ntete makumi asatu.

Misambu 72:16

Ntete ya kuenza bukula, ivulangane mu ditunga. Biakudia bitoloke bia bungi mu mikuna, bisampile bu mu mikuna ya Lebanone, biele miepu bungi bu bisosa bia mu mpata!

Matayi 13:23

Ntete idi ipona mu buloba buimpe, ke badi bumvua muaku wa Mvidi Mukulu, bajingulula mudiwu. Badi bakuama bimuma, aba lukama, bakuabu makumi asambombu, banga makumi asatu.

Genese 26:29

Tudi tukusengelela ne: uditshipe bua kutuenzedi bibi nansha. Tuetu kabidi katuvua bakukengeshe to. Tuvua bakuenzele bimpe. Wewe kumuka mu ditunga dietu ne ditalala. Mpindiewu Maweja-Nangila mmukututshishe dikasa dimpe.

Nsumuinu 10:22

Kabiena kuluila. Maweja-Nangila nkayende ngubipapa bantu.

Genese 25:11

Abrahame mumane kufua, Izake kuya kusomba pabuipi ne tshiina tshia mayi tshia Lahayi-Royi. Mvidi Mukulu kumuela lupemba mu malu onsu.